ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر










بسم الله الرحمن الرحيم

سلام سلام سلام كلمه بتتقال من زمان

معنها ايه يا حكام معنها كلام فى كلام

سلام ده ايه ياولاد الايه

سلام كلام سلام عيال سلام ما فوهوش ريحة اهتمام

ما فيش سلام ما فيش كلام مع الكلاب اللئام

ضحكوا علينا وقالوا سلام
وقالوا الارض مقابل السلام

ولاخدنا ارض ولا حتى سلام

وقالوا القضيه لازم تتحل بالسلام

مع احترامى ليهم القضيه متباعه من زمان

ايوه متباعه وتمنها وصلهم كمان

سلام ازاى واحنا نايمين فى المنام

بنحلم برجوع القدس من زمان

سلام ازاى واحنا بنتحيال عليهم بقبول السلام

مع احترامى ليكم ده اسمه استسلام

بيضحكوا علينا بالسلام بيقولوا ماش سلام

وتانى يوم يقتلوا اطفال من لبنان

وبرضه بيقولوا سلام
واحنا معهم لازم نقول سلام

واللى يقول غير كده يبقى ارهابى جبان

لحد امتى تقولوا سلام
دانا زهقت من الكلام

سلام سلام سلام كلمه عمرها سنيين وايام

انا مش ضد السلام

لكن عايز سلام مش استسلام

عايز تنميه عايز عمار
لكنى مش ضد الدمار اللى يحررنى من اللئام

حقيقى انا بحب السلام لكن عايز فعل مش كلام

من 48 وهمه بيقولوا سلام

ايه اللى حصل! لسه نايمين فى المنام

بيحلموا برجوع القد س بالسلام

وعلشان كده بقولوكم ما نجى نجرب حاجه غير السلام

انت بتقول ايه! لا كده حرام

هو ايه اللى حرام! هو انا كفرت بالرحمن

لا بس هتزعل منك الامريكان وساعتها المعونه مش هتيجى
وعلشان كده لازم نقول سلام

ما يهمنيش الامريكان المهم اكون راجل بفعل مش بكلام

واحرر فلسطين والجولان والعراق وافغانستان

رد عليه واحد وقالى انت بتعيش فى اوهام

قلته اى اوهام
قالى اوهام العزه والانتصار

قلته هو حرام علينا نعيش شجعان

قالى لا مش حرام بس احسلك تبقى جبان

قلته لى ابقى جبان

قالى علشان تاكل وتنام فى امان

قلته اى امان اللى يخلينا شايفين اخوتنا مقتولين بالنيران

واى طعام اللى يخلينا شبعنين من دم اخوتنا الاحرار

ردعليه وقالى انت ثورجى دا الثورجيه ماتوا من زمان

ردت عليه وقلته سلام سلام سلام

كلمه ضاعت من زمان

ضاعت لما قالوا القد س مش هترجع للاسلام

ضاعت لما شفنها بتندبح لوحديها زى الخرفان

واحنا بناكل ونشرب زى الانعام

وعلشان كده بقولوكم خلاصة الكلام

يا ريت تشيلوا من قاموسكم كلمه سلام او بمعنها الصحيح استسلام

وتحطه مكانه لا للاحتلا ل

لا للقتلوا ياسين وعرفات واحتلوا الجولا ن

لا للشنقوا صدام بحجه اسلحة الدمار

لا للهتكوا اعراضنا فى العراق وافغانستان

لا للدبحوا اطفالنا فى فلسطين ولبنان

لا لدعاة الهزيمه والاستسلام
لا للسلام

من تاليف : اسامه السيد (ابوكريم )

22 قول اللى فى نفسك بادب:

السلام عليكم
الى اخوانى المدونين
اتمنى انها تعجبكم
وياريت تقروها بتدبر
اشكركم

أزال المؤلف هذا التعليق.

القصيدة جميلة ومعانيها عميقة جزاك الله خيرا

اولا القصيده روعه ربنا يكرمك
ثانيا القصيه دي بتاعتك يعنى ولا بتاعت واحد تانى
بس بجد جميله جدا

السلام عليكم
الى النسر المهاجر
اشكرك على كلامك الجميل بجد اسعدتنى بكلامك تحياتى

السلام عليكم
الى جيجى

اولا اشكرك على تشريفك وعلى تعليقك الجميل
ثانيا القصيده دى بتاعتى وكانت اول حاجه كتبتها فى اشعارى وكانت فى الاتوبيس
وقت ضرب لبنان
وانتظرى ( بعنها بالرخيص )
تحياتى

الله الله عليك تسلم ايديك مش دى لو كنت قولتها فى مشروع التخرج شوف كنت وصلت لفين امتياز مع مرتبه الشرف

جميلة يااسامه
ربنا يكرمك
لكن انت كده بتيجى على الجرح
اصل انا من الحاجات اللى بتخنقنى جدا الكلام عن السلام عمال على بطال كده وخصوصا فى الكتب الدراسية
بيزنوا على دماغ العيال ان المطلوب من اسرائيل بس انها تتكرم وتدينا الارض اللى احتلتها فى 67 بس وماليين الكتب رغى كتير عن مزايا السلام لمصر والعرب
بس اختك مش بتسكت
بضيع مجهودهم الحمد لله

الى صفصف
اولا المدونه نورت بيك
ثانيا اشكرك على تعليقك الجميل
ثالثا
انت ليه بتفكرنى
على رايك كان الواحد قالها فى المشروع بتاع التخرج كنت جبت امتياز مع مرتبة الشرف على العموم الامتياز حلو بردوه

السلام عليكم
الى خلقنا الله احرارا
اولا انا بشكرك على تعليقك الجميل وبجد انا باستنى تعليقك بفارغ الصبر علشان تعليقك مهم بالنسبه لى
ثانيا

ربنا يكرمك على مجهودك مع التلاميذ
واد ايه لو كل مدرس عمل اللى انتى بتعملى هتشوفى جيل جميل طالع عارف اللى لى واللى عليه مش زى اجيالنا مغيبين عن كل شئ
واللى بيكتب فى كتب المدارس ده شكل من اشكال التدخل الامريكى والاسرائيلى فى الشان المصرى علشان تخرج اجيال بعد اجيال مش عارفه حاجه عن اسلامها اوحقوقها
وفى الاخر لايسعنى الا ان اشكرك
دمتى بخير وسعاده

اسامة ...
بجد فنان ...بس بعد اذنك سيبنى ارد على صفصف
احنا كنا محاضرين بدل القصيدة قصايد بس الراجل بصراحة استلمنا اسئلة غريبة عن النت والمواقع .. مش عارف بجد هو ازاى سامحلك تقوله قصيدة انا مش بحقد انا بحسد
وعلى رئى اسامة هو انت ليه بتفكرنى

أزال المؤلف هذا التعليق.

سلام .. كلمة معروفة ومحددة الأبعاد .. معروف هتدي ايه وتاخد ايه

هما بقى حولوها لمعنى تاني .. تدي بس وما تاخدش حاجة

ويل يا ويل
شكرا على تعليقك الجميل
وكويس انك عرفت ترد على صفصف
وياريت يا ويل تبقى تعملوا مدونه علشان هو مخنوق
شكرا يا ويل دمت بخير وسعاده

الى جيجى
اشكرك بجد وربنا يكرمك
الصراحه انا مخنوق اد ايه الناس ديه مش عارفين حاجه عن دينهم بيرددوا كلام الخزلين والمنافقين وبس دون وعى او استعمال للدلليل الربانى والنبوى
( الكتاب والسنه)

اشكرك مره تانيه وجزاكى الله خيرا

يا مراكبى
اشكرك على تشريفك لمدونتى
عندك حق اننا بندى وبس ومش بناخد حاجه
اشكرك مره تانيه
مع التواصل الدائم

تسلم إيدك
فعلاً السلام الغير قائم علي القوة , وهم كبير

السلام هيفضل خيارنا الاستراتيجي يا عم لحد ما يرحل رئيسك وتيجي قيادة شابة زي أيمن نور تخليه أحد ركائز الأمن القومي المصري بحيث تكون إسرائيل دولة صديقة بالفعل وليس بالكلام والتفاقات الورقية

اول زياره ليا في مدونه حضرتك الرائعه...احييك
القصيده وطنيه رائعه جدا جدا
تستحق ان تظهر للنور
اتمنى لك التوفيق

واسعدني مرور حضرتك الكريم عندي


منار فايد

د/ياسر
اولا انا بشكرك على تشريفك مدونتى وبجد المدونه نورت بيك
ثانيا تعليقك اسعدنى
واشكر مرورك
مع التواصل الدائم
سيدى مدونتك اللى بتكتب فيها اسمها ومضات
دمت بخير وسعاده

الى محمود خاطر
انا متفق معاك اننا فى عهد رئيسنا سيكون السلام هو خيارنا الرئيسى
اما بعد ذلك لا اتمنى يكون هو الخيار الوحيد امامنا
سيدى المدونه نورت فعلا بتعليقك
اتمنى التواصل الدائم
تحياتى

الى شباك موارب
اولا المدونه من شدة النور اللى فيها مش قادر اشوف انا بكتب ايه ههههههههههه
ثانيا تشريفك مدونتى اتخر كتير بجد فاتك حاجات كتير حلوه ولكن انا سعيد بتشريفك مدونتى وتعليقك بجد عجبنى
وانتظرى منى ( بعنها بالرخيص ) قريبا دومتى بخير وسعاده