ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر




دقت الساعه الثانيه عشر مساءا لتعلن عن انتصاف الليل واذا بصوت عربة الاسعاف يقترب من مبنى المستشفى التى اعمل بها


واذا بانذار الطوارى يصيح فينا ليعلن عن حاله طارئه


فاتجهت نحوها مسرعا


لاجد الدكتور محمد انسان قد سبقنى الى الحاله


ولما رانى من بعيد نادنى بصوته العالى وهو يردد


يا مصرى تعالى ساعدنى فى وضع الحاله على سرير الطوارى


فقمت على الفور لارفع الحاله على السرير حتى يتم فحصها


ثم تركت الدكتور انسان ليفحصها


ومن بعدها سيكتب تقريره عنها




وبعد ساعه من الفحص المستمر خرج الدكتور انسان من غرفة الطوارى وعلى وجهه علامات الذهول والدهشه


فبادرته بسؤال سريعا عن سبب الذهول والدهشه اللذان يملان وجهه


فرد بكل اسى وحزن


لااعلم لهذا الجسد اى ملامح من شدة الامراض التى لحقت به


حتى اننى لا استطيع ان اميز ان كان الجسد لرجل او لامراه




ثم مالبث وان انتهت حالة الذهول من على وجهه ليفاجنى بعدها بقرار كان صعبا عليه


وهو ان يجعلنى مشرفا على هذه الحاله بمفردى


فقلت له ماذا ؟!!!!


فرد عليه وقال انت افضل من يشرف على تلك الحاله لانى ارى فيك الطموح واشراقة الامل


ولاتنسى انك قد اكنسبت من الخبرات ما يؤهلك لذلك




وبعد جدال طويل وافقت ولكن كانت موافقه مشروطه


وهى ان يعاونى الدكتور انسان فى تلك الحاله




وبعدها دخلنا غرفة الطوارى ليتم فحص الحاله من جديد




وبعد مرور اكثر من خمس ساعات


خرجنا ومعنا تقرير يصدم كل من يراه




اولا كان الجسد لامراه وبالتحديد لام


وكانت ام لابناء كثر منهم من هجرها بحثا عن الرزق ومنهم من وسع الله عليه فجحدها وانكر جميلها


ومنهم من زال يحبها ولكنه ليس معه ما يبدد حزنها


الـمـهـم


بدا فحصنا من منطقة الراس واكتشفنا كميات كبيره من التخدير ( الغزو الفكرى ) والذى كان ياتى من مؤثرات خارجيه وكان لنا بمثابة الصدمه لانه ياتى ممن يدعون صداقتها وهم فى الاصل الد اعدائها




وبعدها بدانا الفحص على الجلد فاكتشفنا مرض فى غاية الخطوره وهو نادر الحدوث فى اجسامنا وهو حرب الخلايا ( الفتنه الطائفيه ) وهو عباره عن حرب قائمه بين الخلايا مع بعضها البعض


وهذا المرض من اصعب الامراض التى يتم علاجها حاليا


ثم اكتشفنا مرض اعتبره من اخطر الامراض وهو فقر الدم ( عدد الفقراء تعد السبعين فى المئه ) لان هذا المرض هو المسبب الرئيسى لامراض كثيره مثل الهياج الجنسى ( التحرش والاغتصاب ) ومرض التفسخ الانسانى ( الفساد باتواعه )




وبعد فحصنا عليها ادخلنها غرفة الاتعاش ختى تفيق من غيبوبتها




الذى يحيرتى الان هو اننى لم اعرف لها اسما ولا عنوانا حتى الان




الى ان احصل على عنوانا لها


ادعوكم جميعا ان تدعوا لها بالشفاء العاجل


واتمنى منكم ان تعلموننى اسمها اذا اتيتم لزيارتها




امضاء
مصرى مغرم بامه




18 قول اللى فى نفسك بادب:

حمدالله على السلامه يا اسامه
والف سلامه لامنا كلنا
الف سلامه من الفتنه الطائفيه ومن الفقر ومن الخواء الفكرى
تحياتى

الحالة تعبانة أوى
ياأسامة ربنا يستر
من كل الأمراض واخطرها
حالياً فى رايى المتواضع
ما سميته أنت المرض الجلدى
أو الفتنة الطائفية واسمح لى
أن أعممها ليس بين المسيحين
والمسلمين فقط ولكن بين جميع
افراد الشعب هناك كره
وحقد بين أفراد الشعب وبعضه
مدرسين وتلامذة اطباء ومرضى عمال ومتعلمين عايزة أقولك (غلى)بين
افراد الشعب وبين جميع الطوائف.
ربنا يستر عليها(الحالة) وعلينا

حمدلله على السلامة
يااسامة وحمدلله
على قلمك الجميل
وكى بوردك كمان.

اسامة لو سمحت
أنا غيرت الرابط
بتاع المدونة فأرجو
تغيرهـ عندك فى الريدر
وشكراً.

ربنا يعزك جزاكم الله خيرا كثيرا
فكره البوست روعه فوق الخيال

بس فعلا مين هى وهل لها اسم او عنوان بعد مااتغيرت كل ملامحها من عوامل الفساد اللى حصل فيها

خالص تحياتى

جميلة الفكرة يا اسامة وكلها شجن وحزن
ربنا يشفيها بجد
حمدالله على سلامتك
تحياتي

أولا حمد الله على السلامه

ثانيا فعلا إتصدمت بجد

ثالثا حاله لأمراض خطيره منتشر ومعديه

رابعا ربنا يكرمك ويكرم كل حد لسه إنسان أو فى قلبه بواقى إنسانيه

حمدالله على السلامة يا عم

ومنهم من زال يحبها ولكنه ليس معه ما يبدد حزنها ..

تحياتى

السلام عليكم
جميعا
بجد كلكم وحشتونى

عطش الصيار
الله يسلمك من كل مكروه
الف سلامه لامنا
نسال الله العفو والعافيه

نورا
بجد شرفتنى بتعليقك
وانا معاك ان هو ده المرض العضال
نسال الله العفو والعافيه


جيجى الانسانه
سوال صعب مش قادر اجوبك عليه
بس ان شاء الله ترجع ليها ملامحها من تانى


فكره من الزمن ده
الله يسلمك من كل مكروه
اشكرك على كلامك وبجد نورنى تعليقك

مراينى

بجد كلامك فى الصميم
مش قادر اقولك غير اننى سلامتى رجعت برجوعى ليكم
واشكرك على كلامك الجميل


ويل الصاحب

الله يسلمك حبيب قلبى
بحبك بجد الله ينور قلبك بنور الاسلام

بحبكم فى الله

هو فعلا العزو الفكري والطائفية والفقر


بس انا شايف ان العزو الفكري والفقر اشد عليها من الطائفية وان لم يكن هناك مشروع فكري خاص هتبقى هناك مشكلة حقيقية فضلاً عن الفقر فهو بيت الداء


فارس عبدالفتاح .. قومي عربي

حمدلله على السلامة
ياويل بركة الرجوع

طب فعلا جسمي قشعر من طريقة وصفك
ربنا يشفيهالنا كلنا يارب

الله يشفي امتنا :(

تانى يا اسامه هتختفى تانى
ارجع للكتابه
فى انتظارك

السلام عليكم
الحالة صعبة اوى ومش محتاجه اثنين بس فى معالجتها دى محتاجة كل الايدي ربما يتواجد الأمل

أحيك على أسلوبك الرائع

ولكن من كلماتك تذكرت كارثة أخرى من كوارث ناتجة عن موت الضمائر أن الأمهات والأباء حقا منهم من يصل لمثل تلك الحالة الميؤس منها للأم الكبرى

اللهم أهدينا جميعا

اتمنى قبول مرورى
دام قلمك

أبكتني أمي هنا

اسامه انت فين
اكتب يا اسامه ففى الكتابه راحه
فى انتظارك

اولا حمد الله بالسلامه واهلا بكتاباتك مرة اخرى وبجد بحييك على الموضوع الجميل ده بس بختلف معاك فى جزئية حرية براد الشاى فى انه اعتقد ان الثقب الصغنون اوى ده كبر شويتين وبقى فيه متنفس اكبر من الاول بكتيييير
بس ف الاخر الحريه مش منحه من الحكومه الحريه حق دستورى لكل مواطن ومنصوص عليها ف الاتفاقيات الدوليه وفى جميع الدساتير وبنحاول ناخد حقوقنا ليس اكثر
وربنا معانا بحييك مره تانيه ع البوست الجميل ده