ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر

سلام الله عليكم


دومتم جميعا بكل خير

لطالما اشتقت اليكم والى مدوناتكم الجميله

والمعذره لغيابى المتكرر وهذا والله لظروف خارجه عن ارادتى


اما بعد

موضوع انهارده بيتكلم الحريه وقد ايه من متابعتى الدائمه للحريه

اكتشقت ثلاثه انواع منها

اردت ان اناقشها معكم وهم كالاتى


1- الحريه فى الحمام

2- حريه براد الشاى

3- حريه الرصيف


هنبدا باول نوع وهى الحريه فى الحمام

ياريت ما تستغربوش من هذا المسمى وعلشان تفهموا قصدى من هذا الاسم تعالوا نشوف هذا المشهد

كنت فى احدا المساجد فى حلوان ودخلت الحمام وبمجرد غلقى للباب وجدت كلاما استغربته فى اول الامر لان هذا الكلام لاينبغى ان يكتب فى الحمام

الكلام كان عباره عن راى لاحد المصلين وكان عباره عن سب فى النظام والحكومه والرئيس

وقتها ضحكت ضحكه مليئه بالسخريه وكانت ايضا مليئه بالحزن العميق


النوع الثانى من الحريه هو حريه براد الشاى


فلتتخيلوا معى ان براد الشاى هو مصر وان الماء الموجود بداخل البراد هو الشعب

وان النار الموجوده تحت البراد هى الحكومه

لعل معظمنا راى براد الشاى وهو يغلى ولكن القليل منا من يلاحظ ان للبراد ثقب صغير

ومن هذا الثقب يتصاعد منه البخار فلولا صعود البخار من الثقب لانفجر البراد بما فيه

ملاحظه لم تسئلونى ماذا يمثل البخار والثقب بالنسبه لنا

يمثل لنا البخار حزب المعارضه والذى يمثله صحف المعارضه ونحن المدونون ايضا

فاليخرج البخار كما شاء ولتقول صحف المعارضه والمدونون ماشاءو

ويمثل لنا الثقب المساحة المحدده لنا من الحريه

فالعبره بالنهايه فمادامت النار مشتعله تحت البراد فالتفعل الحكومه ماتشاء


النوع الثالث حريه الرصيف


لعلكم كنتم تسمعون ذلك الاعلان الذى يقال فيه ( فيروز التطور الطبيعى للحاجه الساقعه )

فهذا النوع من الحريه هو التطور الطبيعى لحريه براد الشاى

فبعد اتفاقنا بان براد الشاى له ثقب يتصاعد منه البخار وان لولا هذا الثقب لانفجرالبراد من الغليان

فمع كثرة تصاعد البخار وضيق الثقب وجدنا حريه الرصيف الموجوده عند مجلس الشعب

وراينا الناس يفعلون ما يشاءون حتى وصل الحال بهم الى الوقوف عراه كى يطالبوا باسترداد حقهم المسلوب


اخيرا ساطرح عليكم سؤالا واحدا وهو ما هو النوع الذى اخترتموا من الحريه والذى يناسبكم

دومتم ودامت اقلامكم بكل حريه

10 قول اللى فى نفسك بادب:

السلام عليكم ورحمة الله وبركاته

أولا حمد الله على السلامه

ثانيا مش شرط نكون فئه معينه ممن ينعم بإحدى الحريات الثلاث الأهم إننا نكون بجد حاسين بحريه وده طبعا مابقاش يتحس
لأن الثلاث حريات مكبوته برضه بيتحكم فيها الحكومه

فى الحمام طبعا للغلبان إلى يخاف حتى يقولها براه وبيكتفى بتسجيلها على جدرانه

براد الشاى برضه للغلبان إلى بخاره يدوب بيطلع وسط ضغط بخار الكل وياإما يتعرف وسط التوهان يا إما يطير زى الدخان يا إما ينشف ويتحرق البراد

الرصيف بقى دى إلى حكايتها حكايه وكل يوم تتطور جديد لحاجه ساقعه وكمان طعمها وحش وفى النهايه برضه ما بياخدوش حقوقهم

يعنى خيارات برضه مش نافعه

اسامه
حمدالله على السلامه
احنا عندنا حريه الكلام احنا اشتكينا كتيير من عدم الديمقراطيه اهم ادونا حريه الكلام
عاوزين ايه بطلوا طمع
تحياتى

أهى الحريه بانت النهارده اهه
وأخيرا وليس أخرا إنتصر مجلس الشعب

كالعاده
وتعيش الحريه حره مستقره فى مصر

اعتذر عن التعليق خارج الموضوع
إعلان عن بدء دورة فوتوشوب للمبتدئين
- تعلن مدونة امتـــــــــــــــي عن بدء دورة فوتوشوب للمبتدئين
- ،فعلى الراغبين فالمشاركة متابعة الدروس على المدونة
- الهدف: تعلم اساسيات الفوتوشوب وصناعة التصاميم
- الفئة المستهدفة : المبتدئين فالبرنامج وخاصة الذين لم يسبق لهم التعامل مع البرنامج
- الدروس :
- - التعرف على شاشة البرنامج والادوات وكيفية استخدامها
- - استعمال الفلاتر والتحديد على الصور
- - التعامل مع الطبقات
- - الكتابة على الفوتوشوب
- - دمج الصور
-
- آلية عمل الدورة :
- - سيتم شرح كل درس بطريقة مبسطة وسهلة ويعقبها تعليق ومناقشة من قبل المشاركين
- - سيكون هناك تدريب للمشاركين كتطبيق عملي على الدرس الذي تم شرحه,ويتم ارسال التطبيقات عن طريق الايميل لنشرها فالمرة المقبلة

السلام عليكم
على فكرة بوست رائع
وخاصة حرية الحمام
كويس انو في حمامات بلاش الناس تموت من القهر

ملاحظاتك غريبة جدا وعمري مافكرت فيها
لكن انا معاك فيها لكن الشيء الوحيد اللي تفكيري قريب منه هي في حرية براد الشاي
ويمكن ده الاسلوب المتبع في كل حاجة دلوقتي
قل ماتريد ودعنا نفعل مانريد
تحياتي

هههههه .. اى يا عم احنا فى مصر ولا فى كوفى شوب ...عموما انا حريتى شاى خفيف سكر زيادة .. وسيبك من فيروز علشان مبحبش اشربها بحب اسمعها بس ..

الحرية هى اننا نقول اللى المفروض يتقال
حمدالله على السلامة يا اوس اوس ونورت عالم التدوين تانى
تحياتى

السلام عليكم ورحمة الله

اسامة

كل سنة وانت طيب

مبارك عليكم الشهر

وكل عام وانتم بخير

انا اومرة ازور المدونة دى
بس ندمان
فعلا ندمان
انى مزرتهاش قبل كدة
تحياتى لك
http://nisr-elsharq.blogspot.com/