ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر

بجد وحشتونى

التسميات قول اللى فى نفسك بادب (1)

السلام عليكم ورحمة الله وبركاته  
  الى كل مدون ومدونه  بجد وحشتونى
دومتم فى امان الله 

مجرد احساس

التسميات قول اللى فى نفسك بادب (9)


نفس الشوارع .... نفس البيوت

نفس الزوايا ..... نفس الدروب

نفس الطريق ... لساه مسدود

نفس الكلام ... نفس السكوت

نفس السؤال بيتعاد ويتكرر... وبرضوا هى نفس الاجابه والردود

ونفس لون النقاب .... ونفس السبحه بعددها المحدود

ونفس القميص الاخضر الكروهاط .... ونفس الصليب على الصدر محطوط

ونفس العيون الفرحانه بعيدها ... وبرضوا هى هى نفس العيون ساعة ماتموت

ونفس الجنازه لميت ..... ان كان متشال على خشبه او محطوط فى تابوت

ونفس فرحة العيله ... لما ربنا يرزقها بمولود

ونفس العيديه ..... مبتفرقش معايا ان كانت من عمى محمد او عمى دوواد

ونفس الضحكه الصافيه.... ان كانت خارجه من قلب جرجس او محمود

ونفس السلاح ونفس اللى راح .... فى حرب قديمه افتكروها اخرة الحروب

خلاصة الكلام ..... فى كلمه والسلام

ايامنا اللى جايه عايزه مصرى بجد.... مش هزار

هرسمك من تانى

التسميات قول اللى فى نفسك بادب (8)



هرسمك من تانى
هرسمك وهرسم فيكى كل المعانى
هرسمك حلوه زى العروسه فى احلى الليالى
هرسمك منوره والشمس طله ساعة العصارى

هرسم فيكى الحضاره والاصاله
وهرسم اللى فى حُبك حياره

هرسم شمسك وقمرك وضلك
وهرسم اللى من قلبه حَبك
هرسم نيلك طيورك وشجرك
هرسم سماءك وزرع ارضك
هرسم براءتك هرسم شقاوتك هرسم حقيقتك
هرسمك زى ما انتى من غير بودره على وشك

هرسمك بتلقائيه بعفويه من غير نظام
هرسمك بعشوائيه .... عشوائية بيوت شعبك الغلبان
هرسمك على رجلك واقفه ومرفوعه الراس
هرسمك بضحكه صافيه من قلب مليان احساس
هرسمك ... ومش مهم كان معايا قلم جاف او رصاص
هرسمك ... ومش مهم كان معايا ورقه واحده او ميت كراس
هرسمك ... وف اخر المطاف .. لازم احط رسمتك فى احـلـهـا برواز






الاشتراك في: الرسائل (Atom)