ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر

حبسوكى الكلاب

حبسوكى الكلاب

حبسوكى يا مصر يا ام البلاد

حبسوكى فى زنزانه قفلها على الباب

مكتوب عليها ممنوع التصوير او الاقتراب

ممنوع العدل بين العباد

ممنوع الكلام او حتى العتاب

حبسوكى يا مصر يا ام البلاد

حبسوكى فى زنزانه قفلها على الباب

مكتوب عليها نعم نعم للفساد

نعم للصمت والسكات

نعم لتزوير الانتخابات

نعم للسرقه وحب الذات

حبسوكى يا مصر وقفلوا الابواب

حبسوكى وغموا عنيكى وزاد العذاب

حبسوكى يا مصر يا ام البلاد

حبسوكى وطفوا النور وشدو عنك الثياب

شدوها عنك وساعتها بدا الاغتصاب

فى لحمك فى عرضك فى شرفك حتى ذرات التراب

حبسوكى يا مصر يا ام البلاد

حبسوكى يا مصر ... بس مهما طال البعاد

لابد من يوم تخرجى تنتصرى فيه على الاوغاد

حبسوكى يا مصر يا ام البلاد



سكت اللسان نطق الحجر
كتب رساله عنوانها حب الوطن
كتبها بروحه ودم من العروق انفجر
نزل الدم على الارض انهمر
شربت الارض ارتوت وقالت هل من منتظر
هل من صلاح الدين هل من عمر
سكت اللسان نظق الحجر





سلام الله عليكم


تحية طيبه وبعد

تتذكرون معى ذلك اليوم الذى وقف فيه زعيمنا الوطنى احمد عرابى امام الخديوى توفيق ليلقى عليه مقولته الشهيره


والتى تضمنت رفضا تاما للظلم والاستعباد وللتوريث المستمر لشعبنا من قبل ابناء محمد على


تذكرت ذلك المشهد الناصح فى تاريخ بلادنا وفى تاريخ زعيمنا احمد عرابى وكم كان يملك من الشجاعه والحريه مالم يملك غيره


وانا على هذه الحاله من استعادتى للشريط فى خيالى


اتاتنى فكره بان اقارن بين حالنا اليوم وحال شعبنا بالامس البعيد الذى يزيد عن مائة عام


واحقاقا للحق فان حال شعبنا اليوم لهو احسن حالا من حال شعبنا بالامس


ولكنه مع ذلك ليس احسن حالا بالنسبه لظروف شعبنا اليوم




وانا هنا لست اتحدث لكى اظهر لكم كم المظالم التى ترتكب فى حق شعبنا اليوم


لانكم تعلمونها جيدا او لعلكم تعرفونها اكثر منى




وانما اردت من خلال مقالى هذا


ان اتخيل احمد عرابى ( الجديد ) الذى ياتى على فرسه بكل شموخ ليقف امام الرئيس ليلقى عليه رفضه الكامل للتوريث وللاستعباد


وان عصر التوريث قد ول ورحل


وانا فى غمرة تخيلاتى اللاسعه


روداتنى بعض الاسئله اللاسعه ايضا والتى تقول




* هل سيسمح لاحمدعرابى ( الجديد ) ان ياتى للرئيس فى مقره ووسط الحراسات المشدده والجموع المحيطه به دون ان يصاب باذى ؟؟


*وهل سيكون احمد عرابى ( الجديد ) من الجيش كما كان زعيمنا ؟؟


* وهل سيحتشد معه الشعب لتاييده فى مواجهة معارضيه؟؟


*واهم من كل ذلك هل ستنجح ثورته ام انها ستقف عند حد معين كما كانت ثورة زعيمنا




ومع ذلك لا يهمنى كل هذا


المهم عندى ان ارى ذلك اليوم الذى ياتى فيه احمد عرابى ( الجديد ) على فرسه مثلما فعل زعيمنا احمد عرابى


ليلقى كلمته على مسامع الرئيس وليعنها عالية مدويه


ان جمال مبارك لن يكون رئيسنا من بعده


واننا لن نورث بعد اليوم


ان الحاصل بين لدين بحجم مصر والجزائر لهو حقا المصيبه الكبرى

والتى تتمثل فى رجوعنا الى ايام الجاهلية الاولى عندما كان كل فرد يفتخر بقييلته ويتعصب لها ويحارب من اجلها

وللاسف ظهر هذا واضحا اننا نرجع لعصور الجاهليه عندما نركن الى الوطنيه

وان بلدى اولا ولياتى الطوفان من بعدى



وفى الحقيقه ان هذا الفكر بات فكرا عقيما لايجدى نفعا



ولتنظروا معى الى المجتمعات الاوربيه والتى رات فى توحدها القوى الحقيقيه وان الفرقه هى الضعف بعينه

وكيف انهم بعد ذلك وحدوا عملتهم



وللعلم ان هذا الفكر يمارس على بلادنا العربيه من وقت لاخر وهو الانتماء للوطن وحده

وانا هنا لا اقول ان الانتماء للوطن جريمه او حراما

ولكن ليس الانتماء للوطن وحده هو الحل



ارى ان الاخوه فى مجتمعتنا العربيه قد ضاعت واقصد هنا باخوة الدين

والتى لولا ضايعها لما راينا كل هذا التعصب والاحتقان فى مبارة كرة قدم

ادى الى وقوع فتنه بين بلدين بحجم مصر والجزائر



لذلك ادعوكم لتتذكروا معى تلك الفتنه التى دارت بين انصار النبى صلى الله عليه وسلم

من الاوس والخزرج

تعلمون ان النبى وحد امته برابط الاخوه والحب فى الله

وهو الرابط الاصيل لجمع شمل الامه

ثم انظروا بعدها كم ان اليهود لم يعجبهم ذلك التوحد

فبدوا فى زرع الفتنه بالافتخار بامجاد القبيله

ومن هنا بدانا ننسى اننا امه واحده وبدا كل واحد يفتخر بقبيلته والتعصب لها

وكادت ان تقع الفتنه بين انصار النبى

وهذا مايحدث الان ولكن مع اختلاف المسميات والعصور





وانا هنا لا ادافع عما حدث فى السودان

او عن المرتزقه الجزائرين والذين اعتبرهم الطابور الخامس

والطابور الخامس هو طابور المنافقين على عهد النبى صلى الله عليه وسلم



وهذا الصنف من الناس موجود فى كل مجتمعتنا العربيه

ويقومون باشاعة الفتنه والكراهيه بين ابناء الوطن الواحد

فما بالك ببلدين كمصر والجزائر



وترى هذا الصنف موجود بشده فى اعلامنا ليوثر على العوام

وترى هذا واضحا فى قناه تدعى الجزيره فشغلها الشاغل العمل اثارة الفتن بين الشعوب وحكامهم



ولانى لا اصدق ان يكون هذا هو موقف الشعب الجزائرى عامه ( شعب المليون شهيد )



ولان الاعلام العربى يتحكم فيه ذلك الطابور الخامس الذى يدعوا الى الفرقه دائما

وهذا راينه على صفحات الجرائد الجزائريه العميله





ولتعلموا اخواتى انا هذا الطابور الخامس لايتحرك الا باجنده خارجيه تعمل على زعزعة استقرار بلادنا



لذلك ادعوكم جميعا الى التريث وعدم التسرع فى النطق بالحكم على شعب باكمله

وان نرى الموضوع بابعاده كلها

وان نراجع تاريخنا جيدا مع اليهود



فسحقنا لنا ولهم الا لم نفهم




سلام الله عليكم

اولا من عنوان البوست هتعرفوا السطور اللى جايه بتتكلم على ايه

اكيد بتتكلم على الضرائب

وانا فى البوست ده مش قصدى اهاجم الضرائب ولا اهاجم المؤيدين للضرائب

ولكن

انا بعتبر الضرائب زى الاتاوه اللى كانت بتتاخد من الغلابه عشان كبار القوم ينعموا بيها

على العموم السؤال اللى بيطرح نفسه الان

هى الضرائب عملت ايه للشعب او بمعنى اصح ما هو الواقع الملموس اللى الشعب حاسس بيه

وبجد الاجابه ممكن تكون غير مفهومه من قبل السياسين

لذلك

انا بعتبر الضرائب هى الخراب بعينه

هتقولولى ليه

اقولكم

الحكومه بتقول ان الضرائب بتصل للشعب عن طريق غير مباشر

متمثله فى الرعايه الصحيه وجودة التعليم وبناء مدارس وامداد شبكات الصرف الصحى والكهربه

وساعت بتصل الى مشروع قومى زى تطوير السكك الحديديه او اعداد منتخب قومى للمنافسه على البطولات

وهكذا الى اخره

على العموم ردى على لموضوع ده

انى الواقع خير شاهد على الخراب اللى حاصل

يعنى نجيب من اخر ورقه فى الكتاب

ونقول مثلا

حوداث القطارت واخرها العياط

انا هنا مش جاى اقول مين الجانى ومين المجنى عليه

انا هنا جاى اقول حاجه واحده هو فين التطوير اللى بتقولوا عليه

او بمعنى اصح فين الـ 11 مليار جنيه تطوير السكه الحديد

وتانى حادثه وانا بعتبرها بردوه حادثه

وهو خروج منتخب الشباب من كاس العالم دون اى انجاز يذكر

وده كله بعد ما اتصرف عليه ملايين الجنيهات لاعداد الفريق

وده كله كوم والحوداث المعتاده كوم تانى

او تقدر تقول الخراب المعتاد اللى موجود فى مدارسنا

واد ايه الطالب بيبقى متخرج مش عارف اى حاجه فى اى حاجه

او الخراب اللى موجود فى مستشفيتنا اللى معلن لدرجة الافتخار

لدرجة انى بلدنا ولله الحمد

بتاخد المراكز الاولى عالميا فى انتشار امراض زى السرطان والفشل الكلوى

على العموم

بعد ده كله بقترح اقتراح سهل وبسيط لابعاد الخراب عنا

وانا هنا مش بقصد تغيير الحكومه لانى اظن انها لو اتغيرت هتيجى حكومه اختها ( يعنى توام ملتصق )

ومتقوليش نغير النظام المتمثل فى سيادة الريس هو وحزبه الحاكم لانه فى الوقت الحالى صعب

لذلك ادعوكم ان تستيجبوا لاقتراحى

وهو يكمن فى تغيير الشعب

لانه بصراحه هو اللى عامل كل هذه المشاكل لانه هو اللى بيعانى وهو اللى فى نفس الوقت اللى بيشتكى

لذلك ادعوكم لتغيير الشعب

وياريت ميكنش فيه شعب من اصله

اولا تحيه طيبه لكل انسان دافع عن قضية الشهيده مروه الشربيينى


وبجد كنت حابب ابعت رسالة شكر الى مروه والى دماءها الطاهره


لذلك كتبت بعض الابيات








دماء فى ساحات القضاء


دماء رايتها طاهرة تعلو قمة الصفاء


دماء رسمت فينا صفحة يغمرها كل النقاء


دماء مازلت تعطينا الامل مازالت تحكى لنا معنى الانتماء


دماء اشكرها على حسن صنيعها رفضت الاصغاء والانصياع












وده ابيات قديمه كتبتها وقت الحادث باسم : مروه تحدثكم





ارادوا خلع حجابى


ارادوا تمزيق ثيابى


رفضت صحيت قلت مالكم وحجابى مالكم وحجابى


اتريدونى ان اكون عارية للقاصى والدانى


اتريدونى ان اكون سافرة تغوص فى الاهوائى


فقاموا وطعنونى وفجروا الدم الطاهر من احشائى


فسار دمى ينزف وينهمر على الارض كالبركانى


فرانى طفلى اتلقى الطعناتى تلو الطعناتى


قال باكيا اماه ما لهذا الخنزير بالسكين رماكى


قلت ياولدى لاتحزن فهذا خير واشرف من خلع حجابى وتمزيق ثيابى

مات الكلام وانتهى

مات الكلام فى حلقها

لما شافت كف ايده نازل على خدها

حست ساعتها بمراره فى قلبها

حست ان عمره ماكان ابنها

حست ان دورها خلاص خلص وانتهى

بكت حزنت صعبت عليها نفسها

قالت لابد ان امشى من حياته كلها

لابد ان ابعد واسيبه ليها ولاهلها

وبالليل قامت ومشيت براحه على انامل رجلها

وساعتها وقفت على بابه وداعت ربها

قالت يارب خدنى وماتخلنيش اشوفه بعدها

وبعدها بايام اتصلوا عليه وقالولو حضرتك ابنها

قالهم ايوه ايوه هو ايه اللى حصلها

رادوا عليه وقالولو مات الكلام وانتهى مات الكلام وانتهى





سلام الله عليكم


بكره يوم جميل بالنسبلى واعتقد انهو برضو يوم جميل لينا كلنا


ويمكن احسن من يوم 6 اكتوبر ويوم جلاء الانجليز عن مصر


لانه هوسبب حياتنا الجميله اللى بنعيشها والرفاهيه اللى بننعم بيها


عارفين ليه


لانه يوم تولى سيادة الرئيس زمام الامور فى مصر


بكره 14/10/2009


وعشان كده بدعوكم للاحتفال بكره بمرور 28 سنه على تولى سيادة الرئيس الحكم


سنه من الرخاء والنماء 28


سنه من العدل والمساوه بين ابناء شعبه 28


سنه افناءها من حياته عشان خاطر شعبه 28


سنه من الصدق والشفافيه فى التعامل 28


سنه من الحب الصادق والمتبادل بينه وبين شعبه 28


بجد مش عارف اقولكم ايه
بجد احنا محتاجين نقعد نكتب 28 سنه عن انجازاته وعبوره المستمر للمستقبل


وده سر تمسك الشعب بيه حتى لو عاش 28 سنه تانيه لانه بصراحه الشعب مش هيعرف يعيش من بعده
و هيتبهدل من غيره وهتبقى حالته غايه فى السوء


وعشان كده بدعوكم ترفعوا اصواتكم فى نفس واحد وتعيدوا على الريس

وتقولوا كل سنه وانت مستقر ياريس
ربنا يديم عليك الصحه ياريس عشان خاطر شعبك الغلبان





هاتولى ورقه وقلم


اكتب فيها حكاية الزمن


هاتولى ورقه وقلم


اكتب فيها حكاية اللى مات واتظلم


هاتولى ورقه وقلم


اشخبت بيديا على كرسة الندم


هاتولى ورقه وقلم


افتح بيهم صفحه جديده فيها ذرة امل


هاتولى ورقه وقلم


الذره تبقى ذرات تبقى خليه تبقى بشر


هاتولى ورقه وقلم


وماتنسوش استيكه امسح بيها غلطات البشر


هاتوى ورقه وقلم


ارسم بيهم رسمه كبيره فيها خضره وشجر


هاتولى ورقه وقلم
























بعد غروب الشمس بدقائق خرج صاحبنا الى شرفة منزله على رائحة محل الكباب المجاور للمنزل


فراها من بعيد فاعجب بها وزاد نظره لها وزاد اشتياقه لها


وهى مع ذلك لاتشعر به ولا تدرك انه يراقبها


فقال فى نفسه لابد ان تكون لى وحدى


فقرر ان يخطفها وبالفعل نزل من منزله متجها نحوها


وفجاه خطفها دون ان يشعر به احد


وقال فى نفسه لابد ان انفرد بك


ولكن اين المكان الذى سيجمعنا


فنظر يمينا وشمالا فلم يجد الا منزله


فقال لا لا.. فهناك اخواتى واذا عرفوا سيفتضح امرى ....لا لا


لذلك لابد ان اخرج من هنا وابحث عن مكان لا يعرفنى فيه احد


وظل يمشى ويبحث عن مكانا امن


حتى راى حديقه كبيره مليئه ( بالحبيبه )


فقال هذا افضل مكان فلن يتطفل علينا احد فى خلواتنا


فكلا مع محبوبته


ودخل بها الحديقه


وبدا يبحث عن مكانا اكثر امنا حتى ينفرد بها


حتى راى مكانا بين شجرتين


قال نعم هذا رائع


فاسرع بها نحو المكان .... فاجلسها


وبدا ينظر لها ويشم رائحتها


ويقول كم هى رائحتك جميله


وبدا يتحسسها بيده


فيسعد وينشد فرحا ويقول


ها انتى لى لوحدى ....... ولن تكونى لغيرى


وفجاه مسك وركها الايمن وقال ..... بسم الله











اخوانى ياريت ميكنش دماغ حد فيكم تكون راحت بعيد





دى قصة واد غلبان مكلش زفــر من شهرين


فاضطر يسرق الفرخه اللى كانت عند الكبابجى





انتهت















اخرجى ايتها الكلمات من صدرى


اخرجى بلا رجعة وابتعدى


اخرجى فقد سئمت الحديث معك


فما انت الا هواجس لا ترقى للفعل


الى متى تظلين حبيسة صدرى


اخرجى واصرخى واعترضى


وقومى وبادرى بالفعل


الى متى يخيل لكى انك انتصرتى


لن تنتصرى يوما لازلت فيه فى الكهف ترتعدى


اخرجى ايتها الكلمات وابتعدى


اخرجى بالله عليكى ولا ترتدى


اخرجى وارتمى على صفحه بيضاء وانتفضى


ثورى ثورتى ... ثورى ثورة قلمى


اخرجى ايتها الكلمات من صدرى


















فى ساعات الليل المظلم قبل الفجر بساعات قام صاحبها من نومه ليقيم الليل فقامت معه
فتوضاه وقام للصلاه وبدا يرتل ايات الله بصوت عذب جميل وهى تستمع بكل خشوع
وتنتعش بتلاوته للقران
فتسعد وتهلل وتطرب من كلام ربها
وظل صاحبها يقيم الليل وهى فى غاية السرور حتى اذان الفجر
فخرج صاحبها الى الصلاه فخرجت معه وبعدها اقيمت الصلاه فدخل فى الصلاه فدخلت معه
وبدا الامام يرتل ايات الله
فاذا بصاحبها يبكى وينتحب من تاثره بالقران
وهى تنظر له بكل شفقه ورحمه وتقول له : لم كل هذا فما علمت عنك الا كل خير
فانت صوام قوام صاحب خلق كريم
لم ينتبه لكلامها وسار جسده ينتفض من شدة تاثره بالقران خشوعا لله عزوجل
ثم نظرت اليه وهو واقف فى صلاته وقالت ها قد اتى موعد الفراق
ياليتنى لا افرقك ابدا ولكنى لا استطيع ان امكث اكثر من ذلك
ولكنى على امل انا اراك مرة اخرى
سوف انتظرك حتى تسجد حتى لا يدركنى احد
ثم بعدها كبر الامام للسجود
فسجد الناس جميعا
وبعد ذلك قام الامام من سجوده وقام الناس جميعا الا صاحبها
فقام المصلون نحوه ليروا ماذا حل به
فاذا به قد فارق الحياه
فقام احداهما للامام وقال اين التى كانت معه ؟
فرد الامام : خرجت ولم تعد
فساله اخر وقال من كانت هى ؟
فرد الامام : نفسه المطمئنه اجابت دعوة ربها


















السلام عليكم


اولا كل سنه وانتوا جميعا طيبين


ثانيا موضوعى النهارده مش هيكون شعر


هوعباره عن موقف حصل فى الجامع


اولا انا كنت معزوم عند ابن عمى النهارده وكان عامل وليمه فى المسجد وقالى يلا ننزلها فى المسجد


على العموم روحنا ودينا الاكل المسجد وروحت اتوضا عشان المغرب على الاذان على العموم وانا بتوضا سمعت الاذان عادى خالص قلت ان شاء الحق اشرب شوية عصير من اللى انا جايبه


طلعت اللهم اجعله خيـــــر لقيت زحام ولا كاننا فى جمعيه استهلاكيه او فى طابور عيش المشكله انى الزحام كان ناحية الصنيه اللى فيها اللحمة (الهبر) انا مصدقتش نفسى انى ده بيحصل قبل الصلاه


اللى دايقنى انى شوفت الناس فتحت الصينيه وبياكلوا منها قبل الاقامه


روحت شوفت واحد بيكول بنهم ( الفجعه ) اقوله ياعم الحاج كل بعد الصلاه مايرديش عليه وماسك حتة اللحمه ولا كانه متخدر ولا كانه شارب حاجه مخدره بجد الراجل انا حسيت انه واخد مخدر مش بياكل حتة لحمه اكلمه لا حياة لمن تنادى وساعتها قلت ليس هذا افطار للصائمين ده هجوم الجوعى


ارجوكم تفولولى رايكم فى الموضوع ده
























بكت العيون والدمع نازل من الجفون مش لاقى حد يمسحه


دورت على منديل مالاقيتش ولا منديل يمسح دموع الليل


اللى عامله بتسيل


بتسيل بقالها كتيير


حزنا على فقد انسان جميل


عاش حياته كلها طالب رضا الرحمن الرحيم


بكت العيون والدمع نازل من الجفون مش لاقى حد يمسحه















السلام عليكم ورحمة الله وبركاته


اولا انا بشكر كل واحد بذل كل جهد ووقت علشان يدافع عن قضية


اختنا الشهيده الدكتوره مروه الشربيينى


ثانيا كنت حابب اعمل شئ ولو بسيط يمس الشهيده مروه


علشان كده اتخيلت مشهد مقتل اختنا الشهبده مروه


اتخيلته من زوايه تانيه وهى


لوعاشت الشهيده مروه للحظات كانت هتقول ايه


وعلشان كده بدعوكم لرؤيه المشهد ده








ارادو خلع حجابى


ارادو تمزيق ثيابىلون النص


رفضت صحيت قلت مالكم وحجابى مالكم وحجابى


اتريدونى ان اكون سافرة تغوص فى الاهوائى


اتريدونى ان اكون عارية للقاصى والـدانـى


فقاموا وطعنونى وفجروا الـدم الطاهر من احشائى


قسار دمى ينزف وينهمر على الارض كالبركانى


فرانى طفلى اتلقى الطعناتى تلو الطعناتى


قال باكيا اماه مالهذا الخنزير بالسكين رماكى


قلت ياولدى لا تحزن فهذا خير واشرف


مـــــــــــــــــــــــــــــــــــــــن


خلـــع حـــجــابــى وتــمزيــق ثــيـــابـــى













مات ولم يدرى انه قد مات


رفض الصمت رفض السكات


وصاح بصوته باعلى الصراخات


ليعلن للناس انه لم يداهمه الممات


ولكن هيهات هيهات


رفض اللسان النطق واعلنت الشفتان الممات


وعينيه بداتا عليه السكون والثبات


وسار يقلب كفيه ولكن لاحراك


وتوقف القلب عن نبضه وعلت الاصوات بالصراخات


تيقن وقتها انه اصبح من الوفيات


وبعدها اتوه بمغسل ليغسله من دنس الزلات


ثم البسه زى الممات


وتقدم الرجال بعدها ليحملوه الى حيث التراب


الى حيث منكر ونكير فلا غش هنا لك ولا عتاب


وتركوه بمفرده بعدما اغلقوا عليه الابواب


فسار فردا وحيدا يتمنى نزول الرحمات


فايقظه احداهما وقال قم ها قد اتى الحساب


قم للنطق بالجوابفقام مفزوعا فوجد اباه يوقظه للصلوات


فحمد ربه انه لم يكن قد مات


فبكى وندم على ما فات


فدعى ربه ان يرزقه المتاب


فتاب الله عليه فهو الرحيم التواب





















مشهد فراق


شاب فلسطينى بيودع امه وهو فى غاية الحزن لانه هيسافر ويسيب بلده


وامه تعارضه فى السفر


تعالوا نشوف المشهد ده








ياولدى بالله عليك لاتبكى


لا تبكى فبكاؤك يحزننى


بالله عليك لا تبكى


لا تبكى فبكاؤك يؤلمنى


بالله عليك اصمت


اصمت فبكاؤك كالسيف يقتلنى


ياولدى... ياولدى اسكت ودواى الجرح بالصمتى


فانينك كالسم فى الصدرى


ياولدى اصمت ولا تستنكر ..فهذا لاينفع المرئ


ياولدى اصمت ... فبكاؤك لايفيد بغير الفعلى


ياولدى رد عليه وصارحنى... افهمت القصد من القولى


ياولدى رد عليه وجاوبنى


اتتذكر يوم ان اخذوا ابوك للحدى


او يوم ان قتلوا اخوك قبل الرشدى


ياولدى بالله عليك لا تمشى


لا تمشى ولا تتركنى ... ولا تترك ارضى














بعنها بالرخيص وسبنها للخسيس


والدور جاى علينا اكيد بالرخيص


بعنها واحنا ساكتين مش قادرين ننطق بميم


تقول مين دول اللى جاين ياخدوا منا فلسطين


فلسطين دى مش ارض فلسطين دى مش عرض


فلسطين دى دين لازم نحارب عليها يا مسلمين


بعنها بالرخيص وسبنها للخسيس


والدور جاى علينا اكيد بالرخيص


بعنها واحنا مغمضين مش حاسين ولا دريانيين


باللى بيحصل فى فلسطين


وده يفكرنا باللى حصل قبل حطين


لما جم الصلبيين ياخدوا بلادنا باسم الدين


وبعدها بسنيين جم التتار الملاعين


ياخدوا نصيبهم من تركة المسلمين


بعنها بالرخيص وسبنها للخسيس


والدور جاى علينا اكيد بالرخيص


بعنها واحنا راضين ومش قادرين نقول لا وساكتين


لحد ما خدونا واحد وراء التانى ودبحونا زى البيهم


وشلو اردتنا وحركتنا بسلامهم اللئيم


وكل ده علشان بعنها بالرخيص وسبنها للخسيس


والدور جاى علينا اكيد بالرخيص


بعنها واحنا خاينين..... للامانه والدين


لحد ما جه الدور على غيرها واحنا مسلمين


بدوها بالجولان وسينا وفلسطين


وكوسوفا والشيشان وكشمير


وبعدها افغانستان والعراق العظيم


لحد امتى تقولوا سلام يا مجانيين


اوه......... انا اسف فى التعبير


بس ده علشان بعنها بالرخيص وسبنها للخسيس


والدور جاى علينا اكيد بالرخيص


بعنها وشبابنا متخدرين بالبانجو والهيروين


بعنها وبناتنا مش متحجبين وللغرب مقلدين


بعنها واحنا متفرقين وللغرب شحاتيين


بعنها واحنا واكلين شاربيين نايمين واخوتنا مش لاقين


بعنها واحنا فلوسنا فى سويسرا بتتعد بالملايين


واخوتنا فى الصومال من المجاعه ميتين


بعنها بالرخيص وسبنها للخسيس


والدور جاى علينا اكيد بالرخيص


بعنها واحنا ناسين ومش مفتكرين


ان الحرب ديه حرب على الدين


مش حرب اراضى وتحصين


بعنها بالرخيص










بعنها بالرخيص وسبنها للخسيس


والدور جاى علينا اكيد بالرخيص


بعنها واحنا ساكتين مش قادرين ننطق بميم


تقول مين دول اللى جاين ياخدوا منا فلسطين


فلسطين دى مش ارض فلسطين دى مش عرض


فلسطين دى دين لازم نحارب عليها يا مسلمين


بعنها بالرخيص وسبنها للخسيس


والدور جاى علينا اكيد بالرخيص


بعنها واحنا مغمضين مش حاسين ولا دريانيين


باللى بيحصل فى فلسطين


وده يفكرنا باللى حصل قبل حطين


لما جم الصلبيين ياخدوا بلادنا باسم الدين


وبعدها بسنيين جم التتار الملاعين


ياخدوا نصيبهم من تركة المسلمين


بعنها بالرخيص وسبنها للخسيس


والدور جاى علينا اكيد بالرخيص


بعنها واحنا راضين ومش قادرين نقول لا وساكتين


لحد ما خدونا واحد وراء التانى ودبحونا زى البيهم


وشلو اردتنا وحركتنا بسلامهم اللئيم


وكل ده علشان بعنها بالرخيص وسبنها للخسيس


والدور جاى علينا اكيد بالرخيص


بعنها واحنا خاينين..... للامانه والدين


لحد ما جه الدور على غيرها واحنا مسلمين


بدوها بالجولان وسينا وفلسطين


وكوسوفا والشيشان وكشمير


وبعدها افغانستان والعراق العظيم


لحد امتى تقولوا سلام يا مجانيين


اوه......... انا اسف فى التعبير


بس ده علشان بعنها بالرخيص وسبنها للخسيس


والدور جاى علينا اكيد بالرخيص


بعنها وشبابنا متخدرين بالبانجو والهيروين


بعنها وبناتنا مش متحجبين وللغرب مقلدين


بعنها واحنا متفرقين وللغرب شحاتيين


بعنها واحنا واكلين شاربيين نايمين واخوتنا مش لاقين


بعنها واحنا فلوسنا فى سويسرا بتتعد بالملايين


واخوتنا فى الصومال من المجاعه ميتين


بعنها بالرخيص وسبنها للخسيس


والدور جاى علينا اكيد بالرخيص


بعنها واحنا ناسين ومش مفتكرين


ان الحرب ديه حرب على الدين


مش حرب اراضى وتحصين


بعنها بالرخيص











كرهناك . كرهناك . كرهناك

تجيبها يمين تجيبها شمال ... كرهناك

تحطها فوق تنزلها تحت ... كرهناك

ماتحاولش تلمع الصوره. ماتحاولش تكون اسطوره

كرهناك . كرهناك

خليك راجل وانزل واكفيك

كرهناك








بسم الله الرحمن الرحيم


رحلة الموت

مشهد اخر يوم امتحان
محمود و صحابه ابراهيم خارجين من لجنة الامتحان


محمود : عملت ايه فى الامتحان يا هيما
ابراهيم : اهو اللى عرفت احله حليته والباقى من ورقة البرشام وانت عملت ايه
محمود : زيك بالظبط انت ناسى انى انا وراءك و الورقه بتلف على اللجنه
ابراهيم: اه صحيح انت ناوى تعمل ايه بعد النتيجه
محمود : مش عارف انت بتفكرنى ليه
ابراهيم : يعنى انا اقصد لما تيجى تدور على شغل اعمل حسابى معاك
محمود : يا خفه لما الاقى انا الاول
ابراهيم : ايو كده اضحك يعم وما تشيلش للدنيا هم
محمود :على العموم هتخرج بالليل
ابراهيم : ماشى الساعه كام
محمود : يعنى الساعه 8
ابراهيم : ماشى يلا عايز حاجه . سلام
محمود : مع السلامه


مشهد عائلى
محمود فى بيتهم على الغداء بعد مرور 10 اشهر من التخرج

ابوه : يا محمود انت لحد امتى هتفضل شغال شغل اى كلام لابيجيب ولابيودى
محمود : يعنى اعمل ايه مانا شغال فى اى حاجه دلوقتى لحد ماشوف حاجه عدله
ابوه : لا انا ما ينفعنيش الكلام ده اخواتك البنات على وش جواز وعايز اجهزهم
محمود : يعنى اعمل ايه البلد كلها حالها واقف
ابوه : قلتى تعمل ايه بص ياسيدى
تعرف الواد علاء ابن ابو كمال
محمود : امممممم ايو ماله
ابوه : بيقولوا انهو رجع من اطاليا مع ياما وبيشترى فى الارض وبيكمل بونه بيتهم
محمود : اممممم مانا عارف ده كله
ابوه : طب لما انت عارف ما تعمل زيه
محمود : اسافر يعنى !
امه : ايه ده يا ابو محمود انت عايز تسفره وتخلى يبعد عنى
ابوه : مايسفرش ليه هو صغير
هااا قلت ايه يا محمود
محمود : ماشى بس هتيجب الفلوس دى منين دى فلوسها كتيره يجى تلاتين الاف
ابوه : ما تخفش انا هبقى ابيع القيراطان بتوع جدك ونبيع صيغة امك
ماشى
محمود : ماشى

مشهد الوادع
لحظة الوادع قبل السفر بدقايق

محمود : عايزه حاجه يامه اجيبهلك معايا
امه : عايزك سالم غانم ياحبيبى ما تنساش تتصل علينا
محمود : عايز حاجه يا به
ابوه : ترجعلنا بالسلامه يا حبيبى وماتتخرش علينا ماتخليش الغربه تخدك منينا

مشهد السفر
محمود ركب المركب اللى مسافره اطاليا بعد رحلة سفر طويله وهروب من غفر السواحل المصريه

محمود يسال المراكبى : هى دى المركب اللى طالعه بينا يا ريس
المراكبى : ايو يا استاذ
محمود : هى مش صغيره على عددنا
المراكبى : والله اللى مش عاجبه يروح
محمود محدثا نفسه : اعمل ايه ماقدميش الا الركوب وربنا يستر

مشهد الفراق
المركب مشيت ومحمود اتعرف على ناس فى المركب
واتصاحب على المراكبى كمان
المراكبى كان اسمه الحاج ابو كريم
وعد شهر على سفر محمود ولا حس ولاخبر
وفى يوم من الايام جه واحد غريب الملامح

بيسال على الحاج ابو محمود فوجده على القهوه

الغريب : السلام عليكم حضرتك الحاج ابو محمود
ابو محمود : ايوه
الغريب :انا من طرف محمود
ابو محمود: هوانت صاحب ابنى محمود
الغريب :ايوه يعم الحاج انا وليد المصرى كنت معه فى المركب اللى كانت رايحه اطاليا
ابو محمود : ومحمود عامل ايه دلوقتى اه صحيح هوانت لحقت تقعد علشان ترجع
وليد ابتدا يسهم ويسكت
ابومحمود بان على وشه القلق
ابو محمود : ايه يابنى ما ترد عليه محمود جارلوه حاجه
وليد :اصله يعم الحاج ...
وليد بيخد نفس عميق
ابو محمود : فى ايه ؟!
وليد : ابنك تعيش انت يعم الحاج
ابو محمود : ايه.. انت بتقول ايه انت اتجننت
القهوه كلها قامت على صوت ابو محمود
الحاج سعيد معلم القهوه : فى ايه يا ابو محمود
ابو محمود يرد وهو فى غاية الحزن والبكاء
ابو محمود : الراجل ده بيقول انى محمود مات
محمود مات يامعلم
الحاج سعيد : انت بتقول ايه يا استاذ
وليد يرد متاثرا
وليد : للاسف هوده اللى حصل
الحاج سعيد : انا لله وانا له راجعون
لاحول ولا قوة الابالله
الحاج سعيد : احكلى ايه اللى حصل بالظبط يا استاذ
وليد : انا اتعرفت على المرحوم محمود على المركب

وعلى اتنين من بلد جنبيكم
الاول كان اسمه محمود بهجت والتانى اسمه محمد النادى
كنا بناكل ونشرب مع بعض
كان فيه مشهد مش قادر انساه
بعد ما اتعشنا مع بعض قام محمود وراح نحية الحمام
وبدات اهزر واتكلم مع محمد النادى وبهجت لحد ما جاب الهزار اخره

وبعد شويه
بدات العواصف تشد حيلها علينا والمركب ابتدا يهتز
ويقل توازنه وبدات الامواج ترتفع
والريس ابو كريم كان بيظبط المركب ويعدل فى الاتومتيك بتاعها

علشان تتعدل ومتبقاش مايله

وفى الوقت ده ابتدا يجى لكل واحد فينا هاجس الموت والخوف منه
وبدات الاصوات تعلو وتزداد بالتكبير والاستغفار والتوبه
وبدات الامواج تعلب بينا لعب شويه فوق وشويه تحت
وفى وسط اللحظات ديه
سمعنا صوت ابو كريم ريس المركب بينادى علينا

وبيقولنا امسكوا فى ايد بعض كويس علشان ماتغرقوش
ابتدانا نمسك فى ايد بعضينا والاعصاب اخر سيبان
وشويه كده
محمد النادى: سال عن محمود و قال
محمد النادى: هو صحيح محمود جه من الحمام
الكل سكت مستنينا محمود يرد عليه ويقولوه اه انا جيت
لكن للاسف ماسمعناش صوت محمود
قولنا للريس ابو كريم محمود ماجاش من الحمام
راح قام ابوكريم يشوفوه فى الحمام
وبعد شويه سمعنا ابو كريم بيصرخ وبينادى علينا
وبيقول : محمود مش موجود
فى هذه اللحظات ظننت ان قلبى قد توقف
بدانا نبحث عنه وسط هذه الامواج العاتيه هنا وهناك
وانار ابوكريم منارة المركب حتى نره فى البحر

لم نفقد الامل فى العثور عليه
ولكن للاسف فاتت الليله دون فايده فى العثور عليه
فاتت بحلوها ومرها علينا ونحن فاقدين شخص كان غالى علينا
وماعدش علينا نص نهار اليوم التانى الا ولقينا

غفر السواحل بيحيط بالمركب وقبضوا علينا كلنا
وبعد كده عرفت ان اللى دل غفر السواحل علينا
هو ان جثة محمود الله يرحمه كانت طايفه على وش الميه

مشهد العزاء
ابو محمود استلم جثة محمود بعد شهر ونص من الاجراءات
ابو محمود فى العزاء يبقبل عزاء ابنه
جه الريس ابو كريم يعزى ابو محمود
ابوكريم : البقاء لله يا ابو محمود شد حيلك
ابو محمود : الشد على الله سعيكم مشكور
ابوكريم بيخد ابو محمود على جنب
ابو كريم : بص يا ابو محمود انا فلوس ابنك الله يرحمه معايا خدها وميهمكش
ابو محمود يرد على ابو كريم برد فى غاية الغرابه
ابو محمود : خليهم معاك علشان تسفر على اخوه الصغير

انتهى







بسم الله الرحمن الرحيم


انت مين انت مين انت مين؟!

انت واحد ولا اتنين

انت فرحان ولا حزين

انت بتضحك ولا مقضيها تكشير

انت مين!

انت نايم ولا من الصاحين

انت دماغك بتفكر ولا مالاهاش فى التفكير

انت مين!

انت مستقيم ولاغفلان باقلك سنيين

انت مين!

انت بتدخن ولا بتبلبع براشيم

انت مين!

انت صاحب شركه ولا من العاطلين

انت مين!
انت ايجار جديد ولا شقه على النيل

انت مين!

انت كلمه ولا حرف ولا شخبتة ايدان

انت مين!

انت لمبه ولا شعله بتنور طريق الماشين

انت مين!

انت ورده ولا زهره ولا شجره مليانه عصافير

انت مين!

انت ذكرى اليمه ولا دمعه حزينه نازله من العينيين

انت مين!

انت ندى ولا نسمه ولا سحابه بتنزل امطار كتير

انت مين!

انت فكره مش قادرها تطلع ولا نبرة صوت حزين

انت مين!

انت رسمه فى كراسه ولاخريطه فيها دليل

انت مين!

انت رنه ولا نمره ولا رساله فيها معانى كتير

انت مين!

انت شرخ فى عمود...ولا رمله وزلط وطوب بيبنو فى بيوت

انت مين!

انت عايشها وخلاص.. ياجت يا مجتشى وكله فى الطناش

انت مين!










بسم الله الرحمن الرحيم

سلام سلام سلام كلمه بتتقال من زمان

معنها ايه يا حكام معنها كلام فى كلام

سلام ده ايه ياولاد الايه

سلام كلام سلام عيال سلام ما فوهوش ريحة اهتمام

ما فيش سلام ما فيش كلام مع الكلاب اللئام

ضحكوا علينا وقالوا سلام
وقالوا الارض مقابل السلام

ولاخدنا ارض ولا حتى سلام

وقالوا القضيه لازم تتحل بالسلام

مع احترامى ليهم القضيه متباعه من زمان

ايوه متباعه وتمنها وصلهم كمان

سلام ازاى واحنا نايمين فى المنام

بنحلم برجوع القدس من زمان

سلام ازاى واحنا بنتحيال عليهم بقبول السلام

مع احترامى ليكم ده اسمه استسلام

بيضحكوا علينا بالسلام بيقولوا ماش سلام

وتانى يوم يقتلوا اطفال من لبنان

وبرضه بيقولوا سلام
واحنا معهم لازم نقول سلام

واللى يقول غير كده يبقى ارهابى جبان

لحد امتى تقولوا سلام
دانا زهقت من الكلام

سلام سلام سلام كلمه عمرها سنيين وايام

انا مش ضد السلام

لكن عايز سلام مش استسلام

عايز تنميه عايز عمار
لكنى مش ضد الدمار اللى يحررنى من اللئام

حقيقى انا بحب السلام لكن عايز فعل مش كلام

من 48 وهمه بيقولوا سلام

ايه اللى حصل! لسه نايمين فى المنام

بيحلموا برجوع القد س بالسلام

وعلشان كده بقولوكم ما نجى نجرب حاجه غير السلام

انت بتقول ايه! لا كده حرام

هو ايه اللى حرام! هو انا كفرت بالرحمن

لا بس هتزعل منك الامريكان وساعتها المعونه مش هتيجى
وعلشان كده لازم نقول سلام

ما يهمنيش الامريكان المهم اكون راجل بفعل مش بكلام

واحرر فلسطين والجولان والعراق وافغانستان

رد عليه واحد وقالى انت بتعيش فى اوهام

قلته اى اوهام
قالى اوهام العزه والانتصار

قلته هو حرام علينا نعيش شجعان

قالى لا مش حرام بس احسلك تبقى جبان

قلته لى ابقى جبان

قالى علشان تاكل وتنام فى امان

قلته اى امان اللى يخلينا شايفين اخوتنا مقتولين بالنيران

واى طعام اللى يخلينا شبعنين من دم اخوتنا الاحرار

ردعليه وقالى انت ثورجى دا الثورجيه ماتوا من زمان

ردت عليه وقلته سلام سلام سلام

كلمه ضاعت من زمان

ضاعت لما قالوا القد س مش هترجع للاسلام

ضاعت لما شفنها بتندبح لوحديها زى الخرفان

واحنا بناكل ونشرب زى الانعام

وعلشان كده بقولوكم خلاصة الكلام

يا ريت تشيلوا من قاموسكم كلمه سلام او بمعنها الصحيح استسلام

وتحطه مكانه لا للاحتلا ل

لا للقتلوا ياسين وعرفات واحتلوا الجولا ن

لا للشنقوا صدام بحجه اسلحة الدمار

لا للهتكوا اعراضنا فى العراق وافغانستان

لا للدبحوا اطفالنا فى فلسطين ولبنان

لا لدعاة الهزيمه والاستسلام
لا للسلام

من تاليف : اسامه السيد (ابوكريم )