ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر





هاتولى ورقه وقلم


اكتب فيها حكاية الزمن


هاتولى ورقه وقلم


اكتب فيها حكاية اللى مات واتظلم


هاتولى ورقه وقلم


اشخبت بيديا على كرسة الندم


هاتولى ورقه وقلم


افتح بيهم صفحه جديده فيها ذرة امل


هاتولى ورقه وقلم


الذره تبقى ذرات تبقى خليه تبقى بشر


هاتولى ورقه وقلم


وماتنسوش استيكه امسح بيها غلطات البشر


هاتوى ورقه وقلم


ارسم بيهم رسمه كبيره فيها خضره وشجر


هاتولى ورقه وقلم



15 قول اللى فى نفسك بادب:

غالى ياعم والطلب رخيص
ماعندناش اكتر من الورق والقلم
بس بعد مانكتب هيحصل ايه


اه انت عايز استيكة كمان
عليك وعلى الفجالة بسرعة

عاوز ورقة وقلم ....هات 3 جنيه

الورقة والقلم ...هما الصوت التانى اللى بنتكلم بيه ...وسعات عند ناس كتير بيكونوا الصوت الاول
الاستيكة ....موجودة داخل قلوبنا نحن فقط
اه لو عاوز كمان استيكة ..يبقى كدة الحساب كله على بعضه 3 جنيه ونص .

استاذتنا
اهلا بيكى
واحشنى تعليقك الجميل
ان شاء الله لما اكتب ممكن حاجات كتيير تتغير
ماشى ياابله
اه صحيح اجيب الجلاد لونه ايه احمر ولا ازرق هههههههههههه
دمتى رائعه

ويل الجميل
اولا اشكرك على النيولوك اللى عملتهله
بس فيه حاجه انى مش عارف ادخل على المدونه اقصد الاوبيشن
اللى هو زى التخطيط انشاء رساله جديده
ارجو الايضاح
اما بخصوص تعليقك فانت بجد تاجر شاطر على الاخر
ورقه وقلم ب3جنيه يا مفترى امال لو جبت كشكول هيبقى بكام
بجد تحياتى ليك واشكرك مره تانيه

السلام عليكم
تسلم الايادي
رائعة
ادعوكم للمشاركة فالمدونة
ودعم الاقصى

السلام عليكم
جمييييييييييييلة اوي
والله
متناسقة مش بس فالكلمات
كمان في الاحساس والفكرة
تسلم ايديك
على فكرة انا باجي اقرا البوستات ومبعرفش اعلق
لانو مبيظهرش عندي بتاع التعليقات
واول مرة يظهر

خد ورقة وأدي قلم

بس ممكن احساسك العالي تترجمه علي الورق

السلام عليكم

دفتر بحاله ولا تزعل نفسك

هههههههههه

اسامه الكلمات عجبتني ...

أدام الله موهبتك

تحياتي

الشعر جميل جدا
بس لا ورقة ولا قلم يكفوا كتابة ما تريد
والأستيكة هتخلص لان غلطات البشر مبتخلصس
ويكفى أن (ثورة قلم)من الأقلام الجيدة فى عالم التدوين

مدونون من اجل الاقصى
اشكرك على كلامك الطيب واشكرك على الدعوه
لبيك يا اقصى

أزال المؤلف هذا التعليق.

سمسم/سما
اشكرك على كلامك الرائع فى حقى
وبجد تعليقك منور اوى عندى
دمتى رائعه

احمد الصعيدى
يعم حرام عليك ده من بعض ما عندكم
بجد نورت بكلمك وبتعليقك مدونتى
اشكرك ياصعيدى

mimi
اشكرك بجد كلامك ده
وبجد ده كتير عليه
وبصراحه مدونتك من المدونه اللى بحب اتابعها بشغف
دمتى رائعه

ايها النسر

بجد كلامك فى الصميم اينعم لاورقه ولا قلم تستطيع ان تتبتلع كل الكلمات
اشكرك مره تانيه كلامك هو الاروع
وبجد وصلتك فكرة
دمت مهاجرا بقلمك