ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر





بسم الله الرحمن الرحيم


انت مين انت مين انت مين؟!

انت واحد ولا اتنين

انت فرحان ولا حزين

انت بتضحك ولا مقضيها تكشير

انت مين!

انت نايم ولا من الصاحين

انت دماغك بتفكر ولا مالاهاش فى التفكير

انت مين!

انت مستقيم ولاغفلان باقلك سنيين

انت مين!

انت بتدخن ولا بتبلبع براشيم

انت مين!

انت صاحب شركه ولا من العاطلين

انت مين!
انت ايجار جديد ولا شقه على النيل

انت مين!

انت كلمه ولا حرف ولا شخبتة ايدان

انت مين!

انت لمبه ولا شعله بتنور طريق الماشين

انت مين!

انت ورده ولا زهره ولا شجره مليانه عصافير

انت مين!

انت ذكرى اليمه ولا دمعه حزينه نازله من العينيين

انت مين!

انت ندى ولا نسمه ولا سحابه بتنزل امطار كتير

انت مين!

انت فكره مش قادرها تطلع ولا نبرة صوت حزين

انت مين!

انت رسمه فى كراسه ولاخريطه فيها دليل

انت مين!

انت رنه ولا نمره ولا رساله فيها معانى كتير

انت مين!

انت شرخ فى عمود...ولا رمله وزلط وطوب بيبنو فى بيوت

انت مين!

انت عايشها وخلاص.. ياجت يا مجتشى وكله فى الطناش

انت مين!

18 قول اللى فى نفسك بادب:

انت واحد ولا اتنين

انا بعد تفكير عميق وفهم للسؤال
انا اتنين



انت فرحان ولا حزين

حزين وبظهر انى فرحان


انت بتضحك ولا مقضيها تكشير

بضحك

انت مين!

زناتى

انت نايم ولا من الصاحين

انا والله نايم ونومه ربنا يتوب علينا منها



انت دماغك بتفكر ولا مالاهاش فى التفكير

ليها والله
بس انا منيمها
مش عايز اتعبها
وده اللى مخليها شايله منى


انت مستقيم ولاغفلان باقلك سنيين

مستقيم
بس استقامه عوجاء



انت بتدخن ولا بتبلبع براشيم
مليش فى السكه دى والله



انت صاحب شركه ولا من العاطلين

من العاطلين والحمد لله


انت ايجار جديد ولا شقه على النيل
انا على الحديده



انت كلمه ولا حرف ولا شخبتة ايدان
انا حرف

انت لمبه ولا شعله بتنور طريق الماشين
انا شعله
بس يادوب
على قدها

انت ورده ولا زهره ولا شجره مليانه عصافير

ولا واحده من دول




انت ذكرى اليمه ولا دمعه حزينه نازله من العينيين

انا دمعه بس مكبوته جوه



انت ندى ولا نسمه ولا سحابه بتنزل امطار كتير

سحابه بتنزل امطار كتير
بس فى مكان مش مكانها



انت فكره مش قادرها تطلع ولا نبرة صوت حزين

انا فكره فعلا مش قادره تطلع


انت مين!

انت رسمه فى كراسه ولاخريطه فيها دليل

انا رسمه فى ورقه صفرا
بهتتها السنين
ولو فكرت يوم اجددها
مش هلاقيلها ايدين


انت رنه ولا نمره ولا رساله فيها معانى كتير

انا بولوتوث مغلق وملوش اسم



انت شرخ فى عمود...ولا رمله وزلط وطوب بيبنو فى بيوت

انا عود كبريت محروق
لو فكرت يوم اولع
محتاج نار
وبنزين
ومكان محتاج يبقى محروق



انت عايشها وخلاص.. ياجت يا مجتشى وكله فى الطناش

انا عايشها ويارب سهل
لو معشتش يا مسهل
لو عشت النهارده بس
بكره ييجى
واخاف اتبهدل

وعجبى انا

انت مين!

انا زناتى
بصبح عليك
وبقولك موضوع تحفه
ومعلش
كان لازم ارد عليه كله

ثوره قلم
الاجابه على الاسسئله دى صعبه
لان مافيش انسان سلبى خالص ولا انسان ايجابى خالص لكن فيه ناس نفسها تبقى ايجابيه لكن الظروف مش مساعداها زى مثلا العاطلين
لكن هقولك ان نفسى اكون خريطه فيها دليل
ورمل وزلط وطوب بيبنوفى بيوت ورساله فبها معانى كتير وسحابه بتنزل مطر يروى اراضى العطشانين
نفسى واللهى
تقبل تحياتى

عجبنى جدا اول تعليق ان انا اتنين
بس بصراحه انا مااعرفش انا مين وهنفضل لاخر العمر ادور انامين
ربنا يباركلك ويخليلك كريم يارب باذن الله
تحياتى

السلام عليكم
بوست جميل يااسامة
بس ليه وجع القلب ده؟
فى اسئلة كتير مكناش بنفكر نجاوب عليها
عن نفسى يعنى انا غالبا اتنين وحزينة والتكشير اكتر من الضحك
والصحيان شوية والنوم شويتين
والدماغ جالها اكتئاب من التفكير وجارى محاولات لابعادها عنه
وربنا يتوب علينا من الغفلة ويهدينا
اما سؤال البراشبم فبدون تفكير الحمد لله الذى عافانا
والحمد لله مستوظفة اد الدنيا فى الحكومة
لا وايه ايجار قديم
بس نفسى فى حته تمليك قبل ما اموت




كل الاسئلة المهمة اللى بعد كده بجد مش عارفة اجاوب عليها




شكرا يا اسامة على مجهودك فى طرح الاسئلة المعبرة دى يمكن تكون سبب نتغير
ربنا قادر على كل شى




التعليقات المرة دى جميلة جدا وخصوصا زى ما قالت جى جى اول تعليق

لربما كل تلك الأسئلة

تحتوي على شعب أكمله

فكل سؤال له شخص يجيب عليه

تتعدد الأسئلة بتعدد الأشخاص

بوست رائع جدا

قلمك جدير بالاحترام

مودتي

سؤال صعب واجاباته اصعب!!!
وفي الاخر تبقى الحقيقة على اجابة انا انا
سواء حزينة او فرحانة او شعلة او غيرها

بس كله بيعتمد في الاخر على اقتناعك بنفسك ومش لازم ترضى عنها عشان تبقة للاحسن

تحيااتي,,,

الى The illusionist
اولا انا بشكرك على تشريفك لمدونتى
وبجد المدونه نورت
ثانيا تعليقك اكثر من رائع
اتمنى ان اكون وفقت فى القصيده
اتمنى ان تترك لى اسم مدونتك حتى نتواصل
ومره تانيه المدونه نورت بيك

نعم عطش الصبار
انا معاكى انى مافيش انسان سلبى دائما او ايجابى ( يعنى مش شيطان ولا ملاك)
ربنا يحققلك اللى فى نفسك وتبقى اداة بنى وليست اداه للهدم
دمتى بخير وسعاده

الى جيجى
انا معاك ان التعليق الاول اكثر من رائع اتمنى لكى انك تتعرف على نفسك
اشكرك على تعليقك الرائع دمتى بخير وسعاده

الى موسوعة التاريخ المعاصر والقديم
الى استاذتنا
اولا انا بشكرك على تعليقك الرائع
ثلنيا انا اسف جدا انى واجع قلوبكم بس عايز اقول حاجه للاسف كلنا بقى كلامنا كله وجع قلب
كله اجاباتك على الاسئله للاسف كلنا واقعين فيها
اما بخصوص البراشيم
السؤال دى ماكنش للبنات علشان الواحد عارف انى بناتنا مازل فيهم الخير
ومره تانيه نورت المدونه بتعلقك الجميل

الى جارتنا جارة القمر
اولا عندك حق انى هذه الاسئله تتعد بتتعد الاشخاص
ثانيا اشكرك على كلامك الرائع
وده من بعض ما عندكم
دمتى بخير وسعاده

الى روما كندا
اولا انا اتشرفت بزريتك مدونتى وتعليقك الجميل
نعم الا قتناع بالنفس على انها تستطيع التغيير للافضل هو السبيل الحقيقى
اتمنى ان تعطينى اسم مدونتك للتواصل دمتى بخير وسعاده

دقيت سنين والرد يرجعلى مين
لو كنت عارف مين انا ما انا كنت اقول
تحياتى لشعرك

على فكرة يا اسامة انت ممكن تدوس على اسم المعلق هجيبلك البروفيل بتاعه وهتلاقى فى البروفيل اسم المدونة بتاعته

دايما كل شخص له صورتين ولو كان بيظهر واحده بس

الله يكرمك يا استاذ اسامه
ومدونى هى
nightpiper.blogspot.com
وحضرتك وفقت فى القصيده جدا

ويل يا ويل
اشكرك وليد تعليك جميل
اما بخصوص البروفيل ما انا عارف بس فى بعض المدونيين عندهم اكثر من مدونه وانا كنت عاز اعرف المدونه اللى بيكتبوا فيها دلوقتى
اشكرك ويل

النسر المهاجر
انا معاك اننا للاسف عندنا اكثر من وجه ولكننا بنحاول نظهر وجه واحد
اشكرك على تعليقك الجميل
دمت بخير وسعاده

ابو الروقان
اشكرك على تعريفك مدونتك وماتنساش تضيف مدونتى عندك
دمت بخير وسعاده