بسم الله الرحمن الرحيم
رحلة الموت
مشهد اخر يوم امتحان
محمود و صحابه ابراهيم خارجين من لجنة الامتحان
محمود : عملت ايه فى الامتحان يا هيما
ابراهيم : اهو اللى عرفت احله حليته والباقى من ورقة البرشام وانت عملت ايه
محمود : زيك بالظبط انت ناسى انى انا وراءك و الورقه بتلف على اللجنه
ابراهيم: اه صحيح انت ناوى تعمل ايه بعد النتيجه
محمود : مش عارف انت بتفكرنى ليه
ابراهيم : يعنى انا اقصد لما تيجى تدور على شغل اعمل حسابى معاك
محمود : يا خفه لما الاقى انا الاول
ابراهيم : ايو كده اضحك يعم وما تشيلش للدنيا هم
محمود :على العموم هتخرج بالليل
ابراهيم : ماشى الساعه كام
محمود : يعنى الساعه 8
ابراهيم : ماشى يلا عايز حاجه . سلام
محمود : مع السلامه
مشهد عائلى
محمود فى بيتهم على الغداء بعد مرور 10 اشهر من التخرج
ابوه : يا محمود انت لحد امتى هتفضل شغال شغل اى كلام لابيجيب ولابيودى
محمود : يعنى اعمل ايه مانا شغال فى اى حاجه دلوقتى لحد ماشوف حاجه عدله
ابوه : لا انا ما ينفعنيش الكلام ده اخواتك البنات على وش جواز وعايز اجهزهم
محمود : يعنى اعمل ايه البلد كلها حالها واقف
ابوه : قلتى تعمل ايه بص ياسيدى
تعرف الواد علاء ابن ابو كمال
محمود : امممممم ايو ماله
ابوه : بيقولوا انهو رجع من اطاليا مع ياما وبيشترى فى الارض وبيكمل بونه بيتهم
محمود : اممممم مانا عارف ده كله
ابوه : طب لما انت عارف ما تعمل زيه
محمود : اسافر يعنى !
امه : ايه ده يا ابو محمود انت عايز تسفره وتخلى يبعد عنى
ابوه : مايسفرش ليه هو صغير
هااا قلت ايه يا محمود
محمود : ماشى بس هتيجب الفلوس دى منين دى فلوسها كتيره يجى تلاتين الاف
ابوه : ما تخفش انا هبقى ابيع القيراطان بتوع جدك ونبيع صيغة امك
ماشى
محمود : ماشى
مشهد الوادع
لحظة الوادع قبل السفر بدقايق
محمود : عايزه حاجه يامه اجيبهلك معايا
امه : عايزك سالم غانم ياحبيبى ما تنساش تتصل علينا
محمود : عايز حاجه يا به
ابوه : ترجعلنا بالسلامه يا حبيبى وماتتخرش علينا ماتخليش الغربه تخدك منينا
مشهد السفر
محمود ركب المركب اللى مسافره اطاليا بعد رحلة سفر طويله وهروب من غفر السواحل المصريه
محمود يسال المراكبى : هى دى المركب اللى طالعه بينا يا ريس
المراكبى : ايو يا استاذ
محمود : هى مش صغيره على عددنا
المراكبى : والله اللى مش عاجبه يروح
محمود محدثا نفسه : اعمل ايه ماقدميش الا الركوب وربنا يستر
مشهد الفراق
المركب مشيت ومحمود اتعرف على ناس فى المركب
واتصاحب على المراكبى كمان
المراكبى كان اسمه الحاج ابو كريم
وعد شهر على سفر محمود ولا حس ولاخبر
وفى يوم من الايام جه واحد غريب الملامح
الغريب : السلام عليكم حضرتك الحاج ابو محمود
ابو محمود : ايوه
الغريب :انا من طرف محمود
ابو محمود: هوانت صاحب ابنى محمود
الغريب :ايوه يعم الحاج انا وليد المصرى كنت معه فى المركب اللى كانت رايحه اطاليا
ابو محمود : ومحمود عامل ايه دلوقتى اه صحيح هوانت لحقت تقعد علشان ترجع
وليد ابتدا يسهم ويسكت
ابومحمود بان على وشه القلق
ابو محمود : ايه يابنى ما ترد عليه محمود جارلوه حاجه
وليد :اصله يعم الحاج ...
وليد بيخد نفس عميق
ابو محمود : فى ايه ؟!
وليد : ابنك تعيش انت يعم الحاج
ابو محمود : ايه.. انت بتقول ايه انت اتجننت
القهوه كلها قامت على صوت ابو محمود
الحاج سعيد معلم القهوه : فى ايه يا ابو محمود
ابو محمود يرد وهو فى غاية الحزن والبكاء
ابو محمود : الراجل ده بيقول انى محمود مات
محمود مات يامعلم
الحاج سعيد : انت بتقول ايه يا استاذ
وليد يرد متاثرا
وليد : للاسف هوده اللى حصل
الحاج سعيد : انا لله وانا له راجعون
لاحول ولا قوة الابالله
الحاج سعيد : احكلى ايه اللى حصل بالظبط يا استاذ
وليد : انا اتعرفت على المرحوم محمود على المركب
كنا بناكل ونشرب مع بعض
كان فيه مشهد مش قادر انساه
بعد ما اتعشنا مع بعض قام محمود وراح نحية الحمام
وبدات اهزر واتكلم مع محمد النادى وبهجت لحد ما جاب الهزار اخره
بدات العواصف تشد حيلها علينا والمركب ابتدا يهتز
ويقل توازنه وبدات الامواج ترتفع
والريس ابو كريم كان بيظبط المركب ويعدل فى الاتومتيك بتاعها
وفى الوقت ده ابتدا يجى لكل واحد فينا هاجس الموت والخوف منه
وبدات الاصوات تعلو وتزداد بالتكبير والاستغفار والتوبه
وبدات الامواج تعلب بينا لعب شويه فوق وشويه تحت
وفى وسط اللحظات ديه
سمعنا صوت ابو كريم ريس المركب بينادى علينا
ابتدانا نمسك فى ايد بعضينا والاعصاب اخر سيبان
وشويه كده
محمد النادى: سال عن محمود و قال
محمد النادى: هو صحيح محمود جه من الحمام
الكل سكت مستنينا محمود يرد عليه ويقولوه اه انا جيت
لكن للاسف ماسمعناش صوت محمود
قولنا للريس ابو كريم محمود ماجاش من الحمام
راح قام ابوكريم يشوفوه فى الحمام
وبعد شويه سمعنا ابو كريم بيصرخ وبينادى علينا
وبيقول : محمود مش موجود
فى هذه اللحظات ظننت ان قلبى قد توقف
بدانا نبحث عنه وسط هذه الامواج العاتيه هنا وهناك
وانار ابوكريم منارة المركب حتى نره فى البحر
ولكن للاسف فاتت الليله دون فايده فى العثور عليه
فاتت بحلوها ومرها علينا ونحن فاقدين شخص كان غالى علينا
وماعدش علينا نص نهار اليوم التانى الا ولقينا
مشهد العزاء
ابو محمود استلم جثة محمود بعد شهر ونص من الاجراءات
ابو محمود فى العزاء يبقبل عزاء ابنه
جه الريس ابو كريم يعزى ابو محمود
ابوكريم : البقاء لله يا ابو محمود شد حيلك
ابو محمود : الشد على الله سعيكم مشكور
ابوكريم بيخد ابو محمود على جنب
ابو كريم : بص يا ابو محمود انا فلوس ابنك الله يرحمه معايا خدها وميهمكش
ابو محمود يرد على ابو كريم برد فى غاية الغرابه
ابو محمود : خليهم معاك علشان تسفر على اخوه الصغير
انتهى
هو انا مين
- osama44 اسامه 44
- Egypt
- انا حبر فى قلم محبوس ليه زمن عايز اخرج علشان اكتب حكايات البشر انا حبر فى قلم
مدونات لذيذه وعجبانى
-
-
قبل عامين (2) -
مصر 2030 .. صحافة المواطن التي قتلت مستقبل الشعوب!قبل عامين (2)
-
-
-
السلام السماويقبل 5 أعوام
-
-
-
بمشى على مهلىقبل 8 أعوام
-
-
-
-
-
-
الصفحة الرئيسيةقبل 11 عامًا
-
أَمَـــــــــــــــــــــــــــــــــــلْقبل 11 عامًا
-
-
-
من 25 يناير إلى 11 فبراير التاريخ فى سطورقبل 12 عامًا
-
-
-
-
-
-
-
-
-
-
-
ذنوب ,,, ابتلاء ,,, عظة !!!قبل 14 عامًا
-
-
-
-
-
23 قول اللى فى نفسك بادب:
هييييييييييييييييييييييييييييه
اول تعليق
بس أحب اقول غن الجهل والفقر والطمع
همادول إللى بيخلوا الناس ترمى ولادها
بأى طريقة
إنا لله وإنا إليه راجعون
ما حرمش دا بياخد العزا فى إبنه الكبير
أخى هذا فقر وعوزه مع الجهل
تحياتى
ابو محمود يرد على ابو كريم برد فى غاية الغرابه
ابو محمود : خليهم معاك علشان تسفر على اخوه
صح
والله والله والله
حصلت وشوفتها بعينى
انا حاسس انك بتكتب على الناس اللى عندنا فى الشارع
خير
بص احنا فى حاله الان
يا نعيش سعداء
يا نموت تعساء
مبقاش وسط
ودى المشكله
زى الواحد
اللى يموت عيلته
عشان ميعيشوش فى الفقر
ده مجنون اينعم
بس هو شايف كده
هو الموت
وهو الفقر
وهو احساس الحاجة الذي يدفعك لفعل اي شئ للحصول ولو على القوت اليومي
هي نهاية لأحلام وئدت قبل أن تولد
رائع وأكثر
مودتي
محمود
علاء كمال
وليد
محمود بهجت
محمد النادى
ابو كريم
الاسامى دى مش غريبة عليا
بس هو يطلع مين ابراهيم ده
ما علينا اجمل حاجة ان انت احسنت فى الخاتمة وقالبتها كومدى
الغربة وحشة لكن الحياة هنا اوحش
ايها النسر
مبروك عليك اول تعليق خدو معانا النسر المهاجر الكل يسقفلوا
ههههههههههه
انا معاك ان الجهل والفقر همه مشكلة المشاكل فى بلدنا
دمتى بخير وسعاده
سماسم
للاسف محرمش وده للاسف غصب عنه لان الفقر والعوزه زى ماقلتى هما بس ممكن اضيف حاجه هو عدم الرضا وللاسف احنا كاشعب ماعندوهوش نعمة الرضا
اشكر على تعليقك الجميل
ابو الروقان
عندك حق اننا مباقش عندنا موضوع النص النص لا ميه ميه لا صفر وده سببه عدم الرضا وانى الناس بتبص على بعض وبيحقدوا على بعض
(
قلتى تعمل ايه بص ياسيدى
تعرف الواد علاء ابن ابو كمال
محمود : امممممم ايو ماله
ابوه : بيقولوا انهو رجع من اطاليا مع ياما وبيشترى فى الارض وبيكمل بونه بيتهم)
ودى مشكلة المشاكل
تعليقك اسعدنى
الى جارة القمر
هي نهاية لأحلام وئدت قبل أن تولد
تعبيرك جميل ودى بيفكرنى بزمن الجهليه قبل الاسلام كان الكافر بيقتل ابنته
ممكن تشاركنى الراى اننا بقينا فى جهليه جديده بس فى فرق
اننا بنقتل البنات والولاد
صدق رسول الله صلى الله عليه وسلم حينما قال فتنة امتى المال
اشكرك تعليقك اكثر من رائع
ويل ويل
الاسامى دى كلها تبعنا
اما ابراهيم دى واحد صحبى علاء عارفه
انا بعتبرها كوميديه حزينه
الغربه وحشه اه
بس بلدنا هنستحملها وهتسحملنا اما الغربه شئ فى غاية العبوديه
ثقافة الكفيل لسه موجوده
تعليقك عسل
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/groups.php?ref=sb#/group.php?gid=78080770039
انتهينا من مسابقة العدد الاول ونحتاج كميات أكثر من القصص لباقي الاعداد
العدد الاول سيكون في يوليو وقد قمنا بتأجيله نظراً للامتحانات الدراسية وسنكون بالاسواق بعدها ...
المسابقة ستكون دورية نريد أن نظهر أكبر عدد من الأدباء الشباب الى النور
تحياتي للجميع
السلام عليكم
عارف يااسامه انا بقالى يومين من ساعة ماانت كتبت البوست ده وانا بروح واجى مش عارفة اكتب ايه
لانى اثر فى اوى برنامج فى االتليفزيون كان بيقابل اهالى قرية غرق منهم كتير بسبب النصب مش قضاء وقدر زى الرحلة عندك وسألوا اخو المتوفى ممكن تسافر ؟قالهم اه طبعا ياأما اوسع على اخواتى يا اوسع لهم مكان
حسبى الله ونعم الوكيل
كن دائما بخير
سأتواجد هنا دائما
فرفقة قلمك تهديني الكثير
مودتي
استاذتنا
وعليكم السلام
بجد انا حزين بس عايز اسالك انتى بتتحسبنى فى مين بالظبط فى النصاب ولا فى اهالى الضحايا علشان الطمع الى حد ما ولا فى الدوله اللى مقصره اتجاه الناس دى كلها
استاذتنا
اشكرك تعليقك اسعدنى
جارة القمر
كلامك بجد اسعدتنى ولكنى الحقيقه ما انا الا تلميذ يتعلم منكم
دمتى بخير وسعاده
لا حول ولا قوة الا بالله
أد كده العيشة ما بقت
مستهلة !للدرجة دى؟
مش على الصغار بس!
كمان على الاباء !
حسبنا الله ونعم الوكيل
فى اللى كانوا السبب فى
اللى احنا وصلنا له ده
صعبان على حالنا
بجد المدونه نورت بتعليقك
نعم حسبنا الله ونعم الوكيل فى اللى همه السبب
تحياتى
انا لله وانا اليه راجعون
كنت متخيله رد ابو محمود على ابو كريم غير كده خااااااااااااالص كنت متخيله انه هيقوله فلوس ايه بعد فقدان محمود ولافلوس الدنيا كلها تعوضنى
لا حول ولا قوة الا بالله العلى العظيم
السلام عليكم
هي دي مصر يا عبلة
ولا عزاء للمنكوبين
تقبل مروري
الى صمت الحنيين
اشكرك على تعليقك الذى اسعدنى وبجد المدونه نورت اتمن التواصل
دمتى بخير وسعاده
الى مصعب
بجد المدونه لعلعت على الاخر بتشريفك
اتمنى التواصل تحياتى
إرسال تعليق