سلام الله عليكم
تحية طيبه وبعد
تتذكرون معى ذلك اليوم الذى وقف فيه زعيمنا الوطنى احمد عرابى امام الخديوى توفيق ليلقى عليه مقولته الشهيره
والتى تضمنت رفضا تاما للظلم والاستعباد وللتوريث المستمر لشعبنا من قبل ابناء محمد على
تذكرت ذلك المشهد الناصح فى تاريخ بلادنا وفى تاريخ زعيمنا احمد عرابى وكم كان يملك من الشجاعه والحريه مالم يملك غيره
وانا على هذه الحاله من استعادتى للشريط فى خيالى
اتاتنى فكره بان اقارن بين حالنا اليوم وحال شعبنا بالامس البعيد الذى يزيد عن مائة عام
واحقاقا للحق فان حال شعبنا اليوم لهو احسن حالا من حال شعبنا بالامس
ولكنه مع ذلك ليس احسن حالا بالنسبه لظروف شعبنا اليوم
وانا هنا لست اتحدث لكى اظهر لكم كم المظالم التى ترتكب فى حق شعبنا اليوم
لانكم تعلمونها جيدا او لعلكم تعرفونها اكثر منى
وانما اردت من خلال مقالى هذا
ان اتخيل احمد عرابى ( الجديد ) الذى ياتى على فرسه بكل شموخ ليقف امام الرئيس ليلقى عليه رفضه الكامل للتوريث وللاستعباد
وان عصر التوريث قد ول ورحل
وانا فى غمرة تخيلاتى اللاسعه
روداتنى بعض الاسئله اللاسعه ايضا والتى تقول
* هل سيسمح لاحمدعرابى ( الجديد ) ان ياتى للرئيس فى مقره ووسط الحراسات المشدده والجموع المحيطه به دون ان يصاب باذى ؟؟
*وهل سيكون احمد عرابى ( الجديد ) من الجيش كما كان زعيمنا ؟؟
* وهل سيحتشد معه الشعب لتاييده فى مواجهة معارضيه؟؟
*واهم من كل ذلك هل ستنجح ثورته ام انها ستقف عند حد معين كما كانت ثورة زعيمنا
ومع ذلك لا يهمنى كل هذا
المهم عندى ان ارى ذلك اليوم الذى ياتى فيه احمد عرابى ( الجديد ) على فرسه مثلما فعل زعيمنا احمد عرابى
ليلقى كلمته على مسامع الرئيس وليعنها عالية مدويه
ان جمال مبارك لن يكون رئيسنا من بعده
واننا لن نورث بعد اليوم
15 قول اللى فى نفسك بادب:
تحيه طيبه لاخوانى المدونيين
كنت حابب اعرف مين اللى هيساند ثوررة احمد عرابى الجديد على العموم انا اول المساندين ولن اكون الاخير
مد يد العون اخى الحبيب لزعيمنا القادم
هههههههههههههه
يانهار ابيض يااسامة
انت بتجيب سيرة عرابى
هو ده
اللى فى القلب من جوه
كان رجلا
تعرف ان انا من احلامى لما ربنا يعفو عننا وندخل الجنة
اقابل عرابى باشا
ونقعد مع بعضنا يحكى لى عمل ايه وقال ايه
انا فى ايام كتير جدا فى التاريخ كان نفسى احضرها
منها اليوم ده
9 سبتمبر 1881
عرابى راح ومعاه الاف من المصريين
والجيش طبعا
بس دى ماكانتش اول مرة يروح للخديوى
مرة قبل كده فى فبراير من نفس السنة
كان عرابى متقدم لمحكمة عسكرية ظالمة
قوم ايه
زملائه
يخرجوا من الثكنات
ويطلعوه من السجن الحربى بالقوة
من كام سنة قرأت
ان عرابى لو لسه عايش
كان لازم يكفر عن يمينه
لاننا بنورث وبنستعبد
على عكس مااقسم
انا معاكم ياولاد
يااحرار
بس فى حاجة
السبب الرئيسى لقيام أى ثورة فى الدنيا هو الوعى القومى
الناس وقت عرابى كانت مش لاقية تاكل
عادى يعنى
حاجة مش جديدة
لكن لو سألت اى واحد مش متعلم فيهم
نفسك فى ايه
يقول
نفسى فى حكم دستورى
عايز مجلس نيابى
عايز البرلمان يناقش الميزانية
الاحوال دلوقت تبان مختلفة
بس الخديو زمان برده
كان فاكر نفسه
مسيطر على الجيش
واننا عيد احسانه
قادر ربك يغير الاحوال
اللهم استعملنا ولا تستبدلنا
معلش يااسامة الرغى بتاعى
بس انت اتكلمت عن اكتر حاجة بحبها
المهم لما يظهر حفيد عرابى
المفروض مش نتخلى عنه
لان الناس تخلت عن عرابى
يوم 9 سبتمبر 1882
نفس اليوم يااسامة
هى سنه واحدة اللى عدت
عرابى اكيد بيحبك يااسامة
تعاطفك لواحده مو كفايه
إتبرع ولو بجنيه
بيعجبنى فيك يا اسامه تفاؤلك
بس ياترى أنت شايف فى أحمد عرابى دلوقتى ؟
ولا حتى فرسه ؟
طب مين إلى حيعمل الثوره أكيد طبعا الشباب طب الشباب دول همه همه الى لما يتخنقوا من حاجه يعملوا مظاهره وفى الاخر يضربوا من الامن ويلموا شويه يبهدلوهم فى السجن ويظبطوهم طب طلباتهم فى الانقلاب ده حتبقى ايه ولا ايه ولا ايه ولا ايه؟
لو فى احمد عرابى فى البلدى ما كانش ده بقى حالنا
الحل الوحيد ان ربنا يكرمك ويرزقك بولد تربيه انه يبقى احمد عرابى على حق مش الى لابسين عبائة الثوريين وقاعدين مدارين خايفين
ما تتشائمش ولا حاجه
ان شاء الله حيبقى فى عرابى وعرابى ومليون عراااااااااااااااابى
وطبعا انا معاكوا من المساندين ان شاء الله قلنا بس نعمل ايه وكلنا وراك
الحمد لله بقينا 3 هانت
مش عارفه ليه مش متفائله..
الشعب مابتحركش الا لضرب سفارة الجزائر..
تحياتى...
الله يوفقكم :)
يا اسامة عرابى الجديد موجود وظهر ..
صدقنى انا عارف مكانه ..
هو دلوقتى موجود فى احد المعتقلات السرية ..
لو عاوز تروح اتصل بـخط الطوارئ
تحياتى
استاذتنا
اه انا عارف انى جيت على الجرح بس غصب عنى وعارف انك بتحبى
وانا برضه بحبه عارفه ليه لانه من الثوار القلائل اللى رفعوا السلاح وجهادوا العدو
وبصراحه انا زيك بالظبط فى حب عرابى واتمنى لو عشت معاه
بس حضرتك عليكى واجب كبير تجاه البلد وهو تربية جيل من امثال احمد عرابى شرفاء
وعايز اقول حاجه ان بجد لو عرابى عايش كان افتخر بيكى
لانى بعتبرك بنت من ابناء عرابى وامثاله من الاحرار
دممتى حره ابيه
مدونتى اسمها مرايتى
هو فيه عرابيين كتيير بس على راى ويل فى المعتقلات
بجد انا يشرفنى انك تكون من المساندين لعرابى الجديد
تحياتى ليك
لورا ساهر
يشرفنى مرورك الكريم فى مدونتى
وانا معاكى انى شابنا مضحوك عليه ولكن لازم نتفال فى غد مشرق
اتمنى التواصل
اقصوصه
اكرمك الله \
ايوه ادعى لاننا دخلين على مهمه صعبه
هههههههههه
تحياتى ليك لشعب الامارات الحبيب
اممممممممم
مش عارف اقولك ايه
طب ماتعرفش امتى هيخرج عشان نستقبله
\عندك حق يا ويل العرابيين كتيير بس فى المعتقلات
على العموم هتبقى من المساندين ولا لا
مش عارفة ليه وانا بقرأ كلامك افتكرت فيلم طباخ الريس
لما شفت الفيلم ناقش قضية فساد الحاشية اللي حوالين الريس وكان الريس طيب وبن حلال
بس دايما الواقع بيختلف عن الحلم والخيال
بس عارف مهما كان امير الجماعة فاسد ولا ظالم لازم نحتكم له
ودة الرأي انا مش معاه ان احنا لازم نتبع لكلمته
لازم يكون لينا دور في رسم مستقبلنا
مافيش عرابي حييجي تاني على طول بيتمسح اسمه من سجل الأحياء
:)
تحياتي لجراة قلمك
تفتكر ياأسامة
فيه أمــــــــــل؟
جارة القمر
يا هلا بيك
انا معاكى انى عرابى بيتمسح من سجل الاحياء ولكن خير النصيحه نصحية حق عند سلطان جائر
اشكرك على مرورك الكريم
دمتى رائعه يا اجارة القمر
صعبان على حالى
ان شاء الله فى امل مادام فى العمر امل
اتمنى تكونى من المساندين لعرابى الجديد
تحياتى
إرسال تعليق