ثورة قلم اتظلم

ثورة قلم اتظلم داسوا عليه وقالوا خلاص انكسر بس عمره ماكان ينكسر لانه فى الاخر هينتصر




سلام الله عليكم

اولا من عنوان البوست هتعرفوا السطور اللى جايه بتتكلم على ايه

اكيد بتتكلم على الضرائب

وانا فى البوست ده مش قصدى اهاجم الضرائب ولا اهاجم المؤيدين للضرائب

ولكن

انا بعتبر الضرائب زى الاتاوه اللى كانت بتتاخد من الغلابه عشان كبار القوم ينعموا بيها

على العموم السؤال اللى بيطرح نفسه الان

هى الضرائب عملت ايه للشعب او بمعنى اصح ما هو الواقع الملموس اللى الشعب حاسس بيه

وبجد الاجابه ممكن تكون غير مفهومه من قبل السياسين

لذلك

انا بعتبر الضرائب هى الخراب بعينه

هتقولولى ليه

اقولكم

الحكومه بتقول ان الضرائب بتصل للشعب عن طريق غير مباشر

متمثله فى الرعايه الصحيه وجودة التعليم وبناء مدارس وامداد شبكات الصرف الصحى والكهربه

وساعت بتصل الى مشروع قومى زى تطوير السكك الحديديه او اعداد منتخب قومى للمنافسه على البطولات

وهكذا الى اخره

على العموم ردى على لموضوع ده

انى الواقع خير شاهد على الخراب اللى حاصل

يعنى نجيب من اخر ورقه فى الكتاب

ونقول مثلا

حوداث القطارت واخرها العياط

انا هنا مش جاى اقول مين الجانى ومين المجنى عليه

انا هنا جاى اقول حاجه واحده هو فين التطوير اللى بتقولوا عليه

او بمعنى اصح فين الـ 11 مليار جنيه تطوير السكه الحديد

وتانى حادثه وانا بعتبرها بردوه حادثه

وهو خروج منتخب الشباب من كاس العالم دون اى انجاز يذكر

وده كله بعد ما اتصرف عليه ملايين الجنيهات لاعداد الفريق

وده كله كوم والحوداث المعتاده كوم تانى

او تقدر تقول الخراب المعتاد اللى موجود فى مدارسنا

واد ايه الطالب بيبقى متخرج مش عارف اى حاجه فى اى حاجه

او الخراب اللى موجود فى مستشفيتنا اللى معلن لدرجة الافتخار

لدرجة انى بلدنا ولله الحمد

بتاخد المراكز الاولى عالميا فى انتشار امراض زى السرطان والفشل الكلوى

على العموم

بعد ده كله بقترح اقتراح سهل وبسيط لابعاد الخراب عنا

وانا هنا مش بقصد تغيير الحكومه لانى اظن انها لو اتغيرت هتيجى حكومه اختها ( يعنى توام ملتصق )

ومتقوليش نغير النظام المتمثل فى سيادة الريس هو وحزبه الحاكم لانه فى الوقت الحالى صعب

لذلك ادعوكم ان تستيجبوا لاقتراحى

وهو يكمن فى تغيير الشعب

لانه بصراحه هو اللى عامل كل هذه المشاكل لانه هو اللى بيعانى وهو اللى فى نفس الوقت اللى بيشتكى

لذلك ادعوكم لتغيير الشعب

وياريت ميكنش فيه شعب من اصله

29 قول اللى فى نفسك بادب:

السلام عليكم
كلامك الصراحه مظبوط منقدرش نقول حاجه
لكن حضرتك بعد كل ده ملاحظتش ان شعب مصر شعب انقيادى يعنى مش قواد
وده من زمان اوى تقدر تقول ده طبع فيه
بس مننكرش انه لما يكون عاوز يعمل حاجه بيعملها
دمت بخير

نسيت اقول لحضرتك
تصميم مدونتك اكثر من رائع

تمام يا أسامه
كل الى اتقال مضبوط
بس نسيب لهم البلد يعنى ونمشى ولا نعمل انتحار جماعى ولا نستنى انفلونزا الخنازير تقوم بالواجب
مهو برضه كان لازم تدى اقتراحات

من يومين جالنا مندوب من الضرايب يطلب مننا ضرايب على العقار الى كان قبل بيتنا الى ساكنين فيه دلوقتى واحنا ساكنين من حوالى اربع سنين ومخلصين الورق بعد ما فضيلنا ندفع ضرايب كام سنه بالرغم من ان العقار اتحول لمسكن بس نسينا نعرف الدوله وهمه مالهومش دعوه ادفعوا وبعدين اشتكوا وفعلا ده الى حصل
بعد خمس سنين جايبين عليه ضرايب
الظاهر فلسوا وبيدوروا فى دفاترهم القديمه
دا طبعا غير الضرايب الجديده الى بقت على البيوت
لسه ضرايب بس على الهواء الى بنتنفسه مع انه ملوث بس حيجى عليه الدور....

ممممممممممم

للحكومة دوما مبررات لكل شئ

أسباب واعذار

وقراراتهم قوانين

ليس المهم الشعب

المهم تتنفخ الجيوب

ويقبضوا الموظفين

الضرايب بتتحل عشان تكون وراتب


والشعب هو الغلبان

ومبرر الحكومة من لشعب بناخد وبيرجع للشعب


تعجبني جرأتك

ونقدك اللازع


رائع وأكثر

يااا ..يا اسامة كل ده ومش عارف الضرايب رايحة فين اومال الحكومة بس تقبض منين ...كلها بترزق
نلغى الشعب ..انا موافق بس هنوديه فين ..السجون والمعتقلات ومليانة والمصريين فى الخليج اصبحوا اكتر من سكان الخليج العربى ..نعمل اى بس اقولك نوديهم الصومال وندفع الفرق .
تحياتى .

Reading and visiting your blog

وتظل حكومتنا تستنزف كل مالدينا طمعا في فناء الفكر والقدرة علي الحوار

ويبقي المزيد

السلام عليكم

الغاء الشعب.. فكرة مش بطالة
بس على فكرة مش جديدة
فيه غيرك انتبه لها وبيخطط لها من زمان
يعني مثلا الهواء الملوث اللي بيتنفسه الشعب والماء الملوث اللي بيشربه
والأكل الفاسد والمليان مبيدات اللي بياكله وغيره وغيره تفتكر ده كله غرضه إيه

وياللا خليكوا تقلوا شوية!

بوست رائع

مع تحياتي

انا معاك لابد من تغيير هذا الشعب قليل الادب اللي مايعجبه العجب ولا صيام رجب
مش فاهمة الشعب ده عايز ايه حكومة مقطعة نفسها؟
احياتي ورلنا يستر

شكرا لمرورك اللطيف

السلام عليكم
يا عم الحياة زي الفل والدنيا حلوة
والدعم يصل لمستحقيه
وكل حاجة زي الفل
كل عيش يا أفندم

http://shagarellemoun.blogspot.com/2009/11/blog-post_08.html

السلام عليكم
انا اسف على التاخير

سلمى
شكرا على مرورك الكريم
وبجد تعليق واعى
وانا معاكى ان الشعب لما يكون عايز يعمل حاجه بيعملها
نورت المدونه
اه صحيح انا سعيد ان التصميم عجبك

سمسه
اوك اوك المره الجايه هقدم اقتراحات
بجد انا اتشرفت بتعليقك ومرورك الكريم
دمتى رائعه

جارة القمر
عندك حق ان من الشعب للشعب وان الحكومه مش بتاخد الا انها وسيط بتعمل لله فى لله
اشكرك على جراتك فى التعليق

ويل الصاحب
ههههههههههههههه
حلوه اوى حكاية الصومال
وعلى رايك هندفع الفرق وهتبقى الاعه مجاعتين
شكرا لمرورك الدائم

singamaraja
اشكرك على مرورك مدونتى
بس انا اسف ثقافة عربى مكسر
مش عنجليزى
سورى

احمد الصعيدى
عندك حق تسنزف فناء الفكر
اشكر مررك الكريم
دمت رائعا

Heba Faruq
اشكرك على مرورك الكريم
وبجد انتى عندك حق فى كلامك
اتمنى التواصل

فكره من الزمن ده
اشكرك على تواصلك وبجد منوره المدونه
امممممممممم
افهم من كده انك موافقه على اقتراحى اشكرك مره تانيه

مصعب
ماشى يابشا انت تؤمر ناكل عيش اوك بس ممكن تقولى اكل عيش ابو شلن او ابو ربع
اشكرك مصعب دمت رائعا بمدونتك

Singamaraja visiting your blog

الضرائب كنظام متبع في كل العالم لا غبار عليه كمبدأ ولكن المشكلة قد تكمن في طريقة تطبيقه أو شفافية الإستفادة منه أو في القيم العادلة لقيمة تلك الضريبة .. وهذه هي مشكلة مصر للأسف

لكنني أشاركك طبعا تلك الفكرة اللوذعية في التخلص من الشعب

:-)))

يا مراكبى
اشكرك على كلامك

ويجد اشكرك على مشاركة ويارب يكون البوست عجبك

الضرائب دخل من
مدخولات الدولة
مفيش مانع منها
لكن المطلوب هو
حسن استخدمها
(بحق وحقيق)
وليس اهداراها
او أخذها بغير حق!

الف مبروك لمصر والحمد لله ...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

ادعى لمصر وقول يا رب