السلام عليكم
اولا كل سنه وانتوا جميعا طيبين
ثانيا موضوعى النهارده مش هيكون شعر
هوعباره عن موقف حصل فى الجامع
اولا انا كنت معزوم عند ابن عمى النهارده وكان عامل وليمه فى المسجد وقالى يلا ننزلها فى المسجد
على العموم روحنا ودينا الاكل المسجد وروحت اتوضا عشان المغرب على الاذان على العموم وانا بتوضا سمعت الاذان عادى خالص قلت ان شاء الحق اشرب شوية عصير من اللى انا جايبه
طلعت اللهم اجعله خيـــــر لقيت زحام ولا كاننا فى جمعيه استهلاكيه او فى طابور عيش المشكله انى الزحام كان ناحية الصنيه اللى فيها اللحمة (الهبر) انا مصدقتش نفسى انى ده بيحصل قبل الصلاه
اللى دايقنى انى شوفت الناس فتحت الصينيه وبياكلوا منها قبل الاقامه
روحت شوفت واحد بيكول بنهم ( الفجعه ) اقوله ياعم الحاج كل بعد الصلاه مايرديش عليه وماسك حتة اللحمه ولا كانه متخدر ولا كانه شارب حاجه مخدره بجد الراجل انا حسيت انه واخد مخدر مش بياكل حتة لحمه اكلمه لا حياة لمن تنادى وساعتها قلت ليس هذا افطار للصائمين ده هجوم الجوعى
ارجوكم تفولولى رايكم فى الموضوع ده
هو انا مين
- osama44 اسامه 44
- Egypt
- انا حبر فى قلم محبوس ليه زمن عايز اخرج علشان اكتب حكايات البشر انا حبر فى قلم
مدونات لذيذه وعجبانى
-
-
قبل عامين (2) -
مصر 2030 .. صحافة المواطن التي قتلت مستقبل الشعوب!قبل عامين (2)
-
-
-
السلام السماويقبل 5 أعوام
-
-
-
بمشى على مهلىقبل 8 أعوام
-
-
-
-
-
-
الصفحة الرئيسيةقبل 11 عامًا
-
أَمَـــــــــــــــــــــــــــــــــــلْقبل 11 عامًا
-
-
-
من 25 يناير إلى 11 فبراير التاريخ فى سطورقبل 12 عامًا
-
-
-
-
-
-
-
-
-
-
-
ذنوب ,,, ابتلاء ,,, عظة !!!قبل 14 عامًا
-
-
-
-
-
23 قول اللى فى نفسك بادب:
رأينا فى ايه يااسامه ؟
هى دى محتاجة رأى ؟
ده انا كل ما حد يقول لى بتروحى التراويح متأخر ليه؟
مع انى بوصل الجامع قبل العشا بربع ساعة تقريبا
اقول لهم اصلى طفسة وبفطر الاول
لا كده انا بظلم نفسى ده انا قنوعه وطيبه
هههههههه
واضح ان الموقف مضايقك اوى
اتعود على كده
امال لوشفت اللى انا بشوفه مع الستات فوق
تعمل ايه
ده انا نفسى لولا الملامة انزل اصلى مع الرجاله تحت هدوء وانضباط ومفيش نفس ولا خناقات ولا حركات ولا 00 ولا00 ولا00
اقول لك عود نفسك تستغرب فى كل الاماكن ماعدا الجامع
علشان تتهنى بالصلاة
انا دلوقت الامام يقول الله اكبر
ادخل فى الصلاة مباشرة من غير ماابص على حدبيتخانق او الصف مش مظبوط او بيشتموا بعض
اه والله بيشتموا بعض وبيضربوا بعض على الاماكن
عارف انا اكتر من مرة فى التراويح حصلت مواقف مستفزةجدا
ومسكت نفسى بصعوبة انى اتكلم
بس كانت النتيجة انى بضيع ركعتين تراويح انا والشيطان عمال ياكل فى دماغى
علشان كده زى ما قلت لك
ماتبصش لحد
زعلان على الطفاسة؟
ده انت عايش وسط ملائكة يااسامه
معلش رغيت كتير
اصلى مخنوقة اكتر منك
كل سنة وانت طيب
راي ايه بس؟؟؟
الله يهدي الجميع يارب
ختم الله على قلوبهم وعلى سمعهم وعلى ابصارهم غشاوه
الله يهدي يارب
مش هاحكي دلوقتي في مواقف تاني عشان مش وقته خالص بس فعلا الواحد ياما يشوف
كل سنة وانت طيب ورمضان كريم
مش عارفة انا شوفت اللي حصل دا من زاوية تانيه
ممكن يكون الراجل اللي انت بتقول عليه دا مبيشوفش اللحمة دي غير في المناسبات يكون من الغلابة يعني فلما شافها مقدرش يستنى :(
على العموم ابقى قولي بما اننا من حلوان زي بعض اي جامع انت بتصلي فيه يمكن يكون الجامع اللي جمبي على طول :)
تقبل مروري
بصراحة زي ما قالت green eyes
أنا أول حاجة فكرت فيها إن الراجل ده يكون فقير جدا وما بيشوفش اللحمة غير في المناسبات..
ده طبعا ما يمنعش إن الموقف اللي حصل مش مقبول بس سيدنا علي بيقول لو كان الفقر رجلا لقتلته..الفقر والحاجة ممكن تعمل في الناس أكتر من كده..
زيارتي الأولى..تقبل مروري..
تحياتي
ابله بليز
ياريت حضرتك تجيبى معاكى العصايه المره الجايه حاكم شكلك مفقوعه منهم بجد
العصايه ارجوك
الموقف كله عادى اللى مش عادى انى الراجل اللى بقولك عليه لو تشوفى وهو بيكل تقولى دا واخد مخدر بجد
على العموم الموقف عامة مش ظريف
اشكرك مره تانيه وياريت ماتنسيش العصايه
منار
اشكرك تشريفك نوار المدونه
ربنا يهدينا جميعا اللهم امين
احسن بردوه انك متحكيش اصل باين عليكى انك مفقوعه زى استاذتنا انا اسف فكرتوك بالمائسى سورى
دمتى مواربه شباكك
(green eyes)
الله الله ايه النور ده كله المدونه من شدتة نورها مش شايف كلامك الحلو
بجد نورت المدونه وبالذات لما تكونى حلوانيه
انا بقى بشوفها من زوايه اخرى وهى الايه الكريمه((يحسبهم الجاهل أغنياء من التعفف، تعرفهم بسيماهم لا يسئلون الناس إلحافاً). البقرة / 273
هذا ما اقصده
بجد نورتينى
اتمنى التواصل
دمتى حلوانيه جدعه
محاوله لكسر الصمت
انا بجد مقصر معاكى اوى انتى كنتى شرفتينى قبل كده وللاسف الغلط منى اتمنى التواصل
وبما ان ردك زى جرين ايزى
ارد عليكى بالايه الكريمه(يحسبهم الجاهل أغنياء من التعفف، تعرفهم بسيماهم لا يسئلون الناس إلحافاً). البقرة / 273
لوسمحتى ممكن تعرفينى مدونتك اللى بتكتبى فيها دواير ولا كلمه
بجد انا متبعاك على كلمه
دمتى قاتله للصمت
أولا مافيش تقصير ولا حاجة, ولو كان حد مقصر يبقى أنا عشان بصراحة الواحد بقى بعيد عن عالم التدوين كله اليومين دول للأسف..بس عموما أنا بكتب على كلمة بس حاليا ويسعدتني انك تشرفني..
أما بالنسبة لرد حضرتك على الموضوع, فأنا بتفق معاك على فكرة إن المفروض الناس تتصف بالعفة, ومش ببرر تصرف الشخص اللي حكيت عليه, بس هقولك على حاجة, المسألة مش بس مسألة فقر, لأن الفقر شيئ طبيعي وموجود في كل بلد مش عندنا بس, لكن احنا عندنا المسألة تتعدى الفقر لحاجة تانية وهي القهر, الناس عندها احساس مرعب القهر والظلم لأن الغني بيزيد غنى والفقير بيزيد فقر.. يعني مش بس مشكلة فقر زي العادي..
ملحوظة...أنا بقالي فترة مقررة إني هكتب بالفصحى بس, لكن مش عارفة ليه نسيت وكتبت بالعامية وما افتكرتش غير في اخر جملة, عموما ملحوقة ان شاء الله بعد كده فصحى بس..
تحياتي..
اسامة
الناس دى بتعجل بالإفطار سنة لكن كل واحد كانبياكل بضمير يعنى زى مبيقول الناس متتحسبش عزومة وخلاص
المهم الثواب
وكان مفروض تعمل على الأوانى باسورد يفتح بعد الصلاة
ولا تتعجب فنحن فى مصر
السلام عليكم
أولا جزاكم الله خيرا ع الموضوع السابق وهذا النعي
ثانيا
ربنا يهدي هؤلاء البشر الذين لبوا نداء البطن قبل نداء الله
الموضوع غريب وعجيب طبعا .. أنا برضه بأستنكر الأفعال اللي زي كده .. لكن في الحقيقة الله أعلم هل ده طبع سيء من الناس وألا فعلا هما محتاجين جدا لدرجة إنهم مش قادرين يصبروا
الله أعلم
مهاجر
هههههههههههه
حلوه اوى تعيل الفطر الاوانى باسورد
بجد تعليقك لذيذ
دمت رائعا
اشكرك مصعب تعليقك بجد جميل
دمت رائع
مراكبى
اشكر تشريفك لي
عندك حق نسال الله العظيم ان ييسر لهولاء ما يغنيهم عن الحاجه
شارم
وانت يصحه وسعاده اتمنى التواصل معاك
اعجبني المقارنة بين الحالين المختصر بالعنوان,,,
مش عارفة اقول ايه لاني اتضايقت بالفعل من الحاال ده الي اصاب المسلمين
لكن هل فعلا ده حاال الافراد الي تركوا منازلهم للصلاة بالمسجد انهم جوعى اووي كده ,,,
الي بيتلذذ بحلاوة الصدق لدرجة انه ضحى بالجلوس على مائدة الطعاام وسط اهله ونزل المسجد يكمل عمله للاخر
مش انه يتصرف كده
ممكن يكون السبب مش جوع او حتى استخصاار,,, ممكن يكون انجرااف مع الكل
يعني حد بدء وتلاه آخر فانجرف الباقي معهم كتقليد دون ادراك,,,:(
المهم شربت العصير ولا اتشرب كله,,,
يا خوفي ...:D
دمت بخير,,,
ربنا يصلح حال الامة يا اسامة
...تحياتى كل عام وانت طيب
هلفطه
كل عام وانتى بخير وسعاده
انا معاكى انهو ممكن يكون تقليد دون ادارك
بجد تعليقك اعجبنى
ويل
اللهم امين
عاش من شاف تعليقك يارب يخدك على طاعته اللهم امين
بقالك كتير مش زرتني ... بس فرحت بتعليقك
ربنا يكرمك يا أسامة ... ويجعبه في ميزان حسناتك إفطار الصائمين ده...
ومش لاقية تعليق علي وصف الناس اللي في المسجد وعملوا كده ليه ؟
المفروض في المسجد علشان يصلوا ...
استغراب بجد
اشكرك ميمى تعليقك نور المدونه
بجد انا بعتذر اصلى كنت مشغول الايام اللى فاتت
الف كل سنه وانت طيب وعيد سعيد عليك يا استاذ اسامه
بص بقى
انا حصل معايا نفس الموقف
بس على احلى
وروعه
الراجل خد لحمه
وحطها فى جيب الجلابيه
عشان لما يخلص يا كل
الناس مش بتبقى صايمه
دول بيبقوا محرومين باين
ربنا يعينك
انا بستغربهم قوى
بس عادى
اللحمه بتجرى فى دمهم
إرسال تعليق