ملحوظه يجب قراءة الشعر بالعاميه المصريه
مجرد سؤال ومن غير اعتراض
احنا ليه ساكتين على الفساد
عايز حد يرد عليه بالجواب
مجرد سؤال ومن غير اعتراض
هو ايه معنى الفساد
هو ظلم واستعباد
ولا نهب للثروات
ولا عدد الفقراء فى ازدياد
هو ايه معنى الفساد
هو بيع للاملاك برخص التراب
ولا رشاوى تحت الترابيزات
ولا قطرات وعبارات وضحايا بالمئات
هو ايه معنى الفساد
هو رغيف عيش بيجى بالخناقات
ولا دم فاسد مالى المستشفيات
ولا فساد فى المحليات ولا تزوير انتخابات
هو ايه معنى الفساد
هو ساحل شمالى معمول بالمليارات
والدويقه شهداءها بالمئات
ولا ناس طالعه على المعاشات
واخرة طلوعهم...... ميجبش نص مكافاة ماتش من الماتشات
هو ايه معنى الفساد
هى خموربنستوردها بحجة سياحة البلاد
ولاشباب عطلان مش لاقى تمن العفه والزواج
هو ايه معنى الفساد
هو اطفال مشرده فى الشوارع وعددهم بقى بالالوفات
ولاركوب المواصلات اصبح فى زمانا من الانجازات
هو ايه معنى الفساد
هو تصدير غاز للكلاب بحجة دبلوماسية العلاقات
وحبايبنا فى غزه محصرنهم وقفالين عليهم الابواب
هو ايه معنى الفساد
هو جواز عرفى منتشر فى الجامعات
ولا عدد اللى ضايع نسبهم بقى بالافات
هو ايه معنى الفساد
وهو نظام قاعد يحكم ويرسم وينهب من التمانيات
ولا خنازيرطلوعنا فى المقدر وبياندو بحقوق الحيوانات
هو ايه معنى الفساد
7 قول اللى فى نفسك بادب:
الف مبروك يا استاذ اسامة
كلام جميل
وحلوة البداية الجامدة بالفساد والعيش دى
الف مبروك
يارب تبقى مدونتك انت وويل طبعا من احسن المدونات
هو اى معنا الفساد جميلة يا اسامة
شعرمنظم وذات معنى وبيطرح سؤالين
الاول احنا ليه ساكتين على الفساد
والثانى هو اة معنى الفساد
أما السؤال الثالث فهو من عندى وهو كيف نحارب الفساد
.........
لقد خلقنا الله احرار شكرا على الكلام الجميل وربنا يباركلك فى مدونتك
وانت كمان يا اسامة ربنا يباركلك فى مدونتك وتقبل تحياتى
1000000 مبروك يااسامه وربنا يوفقك كمان وكمان ومنتظرين منك المزيد وان شاء الله اليه جاى يكون احسن وبلتوفيق ليك انت وكل الناس اليه بسعدونه بمدونتهم الجميله شكرا
الى لقد خلقنا الله احرارا
اد ايه انا سعيد حدا بتعليقك الجميل واتمنى تكون حازت على اعجابكم وربنا يوفقنا جميعا وصوت مدونتنا يوصل للناس ويغير الحال للاحسن وجزاك الله خيرا
يعم ويل انت بتقول ايه مازلنا بنتعلم منك الكلام الحلو واذا كنت انت بتقول انى انا شعرى منظم وذات معنى فانت بجد اساس التنظيم والكلام الجميل
السلام عليكم ازيكم يا جماعه انا حاسس انى فى بيت العيله وكل الحبايب متجمعين ومتونسين بشعر الفنان الثورى العظيم ابو كريم اللى خايف عليه يبقى فى السجن الاليم من كلامو اللى فى الصميم اتمنى من قلبى دوام النجاح والابداع المتواصل ان شاء الله
اشكرك يا صفصف
عايز اشوف مدونتك
إرسال تعليق