بسم الله الرحمن الرحيم
نصائح هامه الى رواد طوابيرالعيش
اولا :- قبل ماتخرج من بيتكم جيب معاك قفص عيش علشان العيش ميعجنيش منك وساعتها امك تضربك او مراتك على حسب ظروف كل واحد
وماتنساش دعاء الخروج من المنزل علشان ربنا يسترها معاك وترجع سالم غانم
ثانيا:- ما تعتمديش على فرن عيش واحده علشان تشترى منها علشان لو قفلت فرن الزعيم مثلا ماتحتسش وروح فرن برسوم او الميدان اللى بتخلص الساعه 8 باليل
ثالثا:- عند وصولك الى الفرن اسال من هو الاخير علشان ماتقفش طول اليوم وتتفاجى انك لسه الاخير
( يطلعلك مية واحد يقولك انا حاجز يانجم )
ابتعد كل البعد عن مشاجرات الافران علشان مش مستهله انى الواحد يموت علشان بجنيه عيش
رابعا :- حاول انك تشغل وقتك وانت واقف فى الطابور باى حاجه زى الفرجه على خناقة ابن صاحب الفرن مع زبون عايز خمس ترغيفه
او الفرجه مع الصمت التام على الدقيق اللى بيخرج من الفرن على عربيه نقل ،،،،،، وياريت تتفرج بحسره
او تتكلم مع الناس على الكوره او تتكلم فى السياسه حاكم افضل مكان تتكلم فيه براحتك هو طابور العيش على الاقل تخرج الكبت اللى عندك وفضفض براحتك
خامسا واخيرا:- اذا كرمك ربنا ووصلت للشباك ادفع فلوسك وخد عيشك وما تبصيش على العيش علشان ماتتحسرش وياريت ما تعارضش على اى رغيف دايس عليه قطر وفى الاخر احمد ربنا انك كسبت المعركه بلا اى خسائر
ملحوظه :- ياريت تجيب اخوك الصغير معاك علشان يجيب بجنيه علشان ماتقفش بكره
كتبها لكم مواطن اتولد واترب على طوابير العيش
اسامه السيد ( ابو كريم )
نصائح هامه الى رواد طوابيرالعيش
اولا :- قبل ماتخرج من بيتكم جيب معاك قفص عيش علشان العيش ميعجنيش منك وساعتها امك تضربك او مراتك على حسب ظروف كل واحد
وماتنساش دعاء الخروج من المنزل علشان ربنا يسترها معاك وترجع سالم غانم
ثانيا:- ما تعتمديش على فرن عيش واحده علشان تشترى منها علشان لو قفلت فرن الزعيم مثلا ماتحتسش وروح فرن برسوم او الميدان اللى بتخلص الساعه 8 باليل
ثالثا:- عند وصولك الى الفرن اسال من هو الاخير علشان ماتقفش طول اليوم وتتفاجى انك لسه الاخير
( يطلعلك مية واحد يقولك انا حاجز يانجم )
ابتعد كل البعد عن مشاجرات الافران علشان مش مستهله انى الواحد يموت علشان بجنيه عيش
رابعا :- حاول انك تشغل وقتك وانت واقف فى الطابور باى حاجه زى الفرجه على خناقة ابن صاحب الفرن مع زبون عايز خمس ترغيفه
او الفرجه مع الصمت التام على الدقيق اللى بيخرج من الفرن على عربيه نقل ،،،،،، وياريت تتفرج بحسره
او تتكلم مع الناس على الكوره او تتكلم فى السياسه حاكم افضل مكان تتكلم فيه براحتك هو طابور العيش على الاقل تخرج الكبت اللى عندك وفضفض براحتك
خامسا واخيرا:- اذا كرمك ربنا ووصلت للشباك ادفع فلوسك وخد عيشك وما تبصيش على العيش علشان ماتتحسرش وياريت ما تعارضش على اى رغيف دايس عليه قطر وفى الاخر احمد ربنا انك كسبت المعركه بلا اى خسائر
ملحوظه :- ياريت تجيب اخوك الصغير معاك علشان يجيب بجنيه علشان ماتقفش بكره
كتبها لكم مواطن اتولد واترب على طوابير العيش
اسامه السيد ( ابو كريم )
7 قول اللى فى نفسك بادب:
يعنى انت بستفزنى وتتكلم على طوابير العيش
طيب ياعم انا كنت بعمل فيها عرابى باشا فى زمانه
وقلت لصاحب الفرن فى وشه الدقيق ده رايح فين
محدش عبرنى من الناس الواقفين وفتح بقه غير علشان يتاوب
ومرة قلت لمفتش التموين نفسه وهو قاعد وشايف الدقيق عمل نفسه مش سامعنى
وبحس لما اتكلم ان الناس بتبصلى يااما انا مجنونة
او
جوزى ضربنى وجايه اطلعه على الناس هنا
او
انا انسانه معقدة وبطلعه على الناس فى الطابور
بس انت برده مااتعاملتش غير مع الرجالة معاملة الستات حاجة تانيه لازم تكون نصاب وكداب وحلنجى علشان يكون ليك مكان فى الطابور
انا رغايه مش كده
بس اصل انا مخنوقه اوى لكن خد عندك دى كمان مرة وانا واقفة فى الطابور واحدة ورايا اصرت تمد ايديها وتاخد قبلى فانا شغلت غدة الرخامة وقلت للبياع انا الاول ردت عليا بمنتهى الاستنكار وقالت لى هو ايه ؟هى الحكايه باللى ييجى الاول
هتقول على مجنونة انت كمان بس انا جوايا شعور قوى ان اسرائيل مش هتخرج من فلسطين وان جمال مبارك مش هيتنحى عن جميع مناصبه الا لو صلحنا علاقتنا مع بعض ومع ربنا سبحانه وتعالى واحببنا لغيرنا مانحبه لانفسنا
اشكركى بجد
طبعا مافيش حد هيرد عليكى احمد ربنا انك لقيت حد فتح بقه علشان يتاوب فى ناس من شدة خوفهاتخاف تتنفس
اما بخصوص طوابير الستات فحدث ولا حرج تلاقى الرجاله واقفين فى هدوه تام وتلاقى الستات بتتخناق عمال على بطال
انا معاكى طبعا ان الحال مش هتيغير الا لما نرجع نحب بعض ونراعى ربنا فى كل شئ
وفى الاخر لايسعنى الا ان اشكرك على تعليقك الجميل
هههههههههه
جمدة اوى النصايح دى يا اسامة
على فكرة انا بقى هديك نصيحة بنعملها عندنا فى البيت وهو ان احنا بنشترى ب2 جنيه عيش على مرتين
ونحطوه فى الفريزر بتاع التلاجة ونطلع عدد معين قبل ما ناكل بتلت ساعة علشان التلج يفك
تقبل نصيحتى بصدر رحب وتقبل تحياتى
نصيحه غاليه اوى ياويل فكره برضوه
بس الحقيقه انى العيش لما بيزيد عن حاجة الواحد ينتقل على الفور الى اخوانى معاشير الفراخ والبط
واشكرك يا ويل على تعليقك الجميل ونصيحتك غاليه
نصيحه غاليه اوى ياويل فكره برضوه
بس الحقيقه انى العيش لما بيزيد عن حاجة الواحد ينتقل على الفور الى اخوانى معاشرالفراخ والبط
واشكرك يا ويل على تعليقك الجميل ونصيحتك غاليه
حايتنا فى مصربقت كلها طوابير يا أسامة بس نصايح جميلة
نصائح هامة بالفعل, بس نسيت حاجه مهمه يا اسامة.
انك لو مش معاك قفص و معاك شنطه لازم تهوى العيش قبل ماتحطه فى الشنطه.
وتخلى بالك من اللى وراك, يعنى تحط المحفظة فى جيب البنطلون من قدام زيادة احتياط برده. :)
تسلم إيدك يا اسامة.
إرسال تعليق