ثورة قلم اتظلم

كــر هـــنــاك

قول اللى فى نفسك بادب (21)

كرهناك . كرهناك . كرهناك

تجيبها يمين تجيبها شمال ... كرهناك

تحطها فوق تنزلها تحت ... كرهناك

ماتحاولش تلمع الصوره. ماتحاولش تكون اسطوره

كرهناك . كرهناك

خليك راجل وانزل واكفيك

كرهناك

رحـــلــــة المـــوتـــــــــــــ

قول اللى فى نفسك بادب (23)

بسم الله الرحمن الرحيم

رحلة الموت

مشهد اخر يوم امتحان
محمود و صحابه ابراهيم خارجين من لجنة الامتحان

محمود : عملت ايه فى الامتحان يا هيما
ابراهيم : اهو اللى عرفت احله حليته والباقى من ورقة البرشام وانت عملت ايه
محمود : زيك بالظبط انت ناسى انى انا وراءك و الورقه بتلف على اللجنه
ابراهيم: اه صحيح انت ناوى تعمل ايه بعد النتيجه
محمود : مش عارف انت بتفكرنى ليه
ابراهيم : يعنى انا اقصد لما تيجى تدور على شغل اعمل حسابى معاك
محمود : يا خفه لما الاقى انا الاول
ابراهيم : ايو كده اضحك يعم وما تشيلش للدنيا هم
محمود :على العموم هتخرج بالليل
ابراهيم : ماشى الساعه كام
محمود : يعنى الساعه 8
ابراهيم : ماشى يلا عايز حاجه . سلام
محمود : مع السلامه

مشهد عائلى
محمود فى بيتهم على الغداء بعد مرور 10 اشهر من التخرج

ابوه : يا محمود انت لحد امتى هتفضل شغال شغل اى كلام لابيجيب ولابيودى
محمود : يعنى اعمل ايه مانا شغال فى اى حاجه دلوقتى لحد ماشوف حاجه عدله
ابوه : لا انا ما ينفعنيش الكلام ده اخواتك البنات على وش جواز وعايز اجهزهم
محمود : يعنى اعمل ايه البلد كلها حالها واقف
ابوه : قلتى تعمل ايه بص ياسيدى
تعرف الواد علاء ابن ابو كمال
محمود : امممممم ايو ماله
ابوه : بيقولوا انهو رجع من اطاليا مع ياما وبيشترى فى الارض وبيكمل بونه بيتهم
محمود : اممممم مانا عارف ده كله
ابوه : طب لما انت عارف ما تعمل زيه
محمود : اسافر يعنى !
امه : ايه ده يا ابو محمود انت عايز تسفره وتخلى يبعد عنى
ابوه : مايسفرش ليه هو صغير
هااا قلت ايه يا محمود
محمود : ماشى بس هتيجب الفلوس دى منين دى فلوسها كتيره يجى تلاتين الاف
ابوه : ما تخفش انا هبقى ابيع القيراطان بتوع جدك ونبيع صيغة امك
ماشى
محمود : ماشى

مشهد الوادع
لحظة الوادع قبل السفر بدقايق

محمود : عايزه حاجه يامه اجيبهلك معايا
امه : عايزك سالم غانم ياحبيبى ما تنساش تتصل علينا
محمود : عايز حاجه يا به
ابوه : ترجعلنا بالسلامه يا حبيبى وماتتخرش علينا ماتخليش الغربه تخدك منينا

مشهد السفر
محمود ركب المركب اللى مسافره اطاليا بعد رحلة سفر طويله وهروب من غفر السواحل المصريه

محمود يسال المراكبى : هى دى المركب اللى طالعه بينا يا ريس
المراكبى : ايو يا استاذ
محمود : هى مش صغيره على عددنا
المراكبى : والله اللى مش عاجبه يروح
محمود محدثا نفسه : اعمل ايه ماقدميش الا الركوب وربنا يستر

مشهد الفراق
المركب مشيت ومحمود اتعرف على ناس فى المركب
واتصاحب على المراكبى كمان
المراكبى كان اسمه الحاج ابو كريم
وعد شهر على سفر محمود ولا حس ولاخبر
وفى يوم من الايام جه واحد غريب الملامح

بيسال على الحاج ابو محمود فوجده على القهوه

الغريب : السلام عليكم حضرتك الحاج ابو محمود
ابو محمود : ايوه
الغريب :انا من طرف محمود
ابو محمود: هوانت صاحب ابنى محمود
الغريب :ايوه يعم الحاج انا وليد المصرى كنت معه فى المركب اللى كانت رايحه اطاليا
ابو محمود : ومحمود عامل ايه دلوقتى اه صحيح هوانت لحقت تقعد علشان ترجع
وليد ابتدا يسهم ويسكت
ابومحمود بان على وشه القلق
ابو محمود : ايه يابنى ما ترد عليه محمود جارلوه حاجه
وليد :اصله يعم الحاج ...
وليد بيخد نفس عميق
ابو محمود : فى ايه ؟!
وليد : ابنك تعيش انت يعم الحاج
ابو محمود : ايه.. انت بتقول ايه انت اتجننت
القهوه كلها قامت على صوت ابو محمود
الحاج سعيد معلم القهوه : فى ايه يا ابو محمود
ابو محمود يرد وهو فى غاية الحزن والبكاء
ابو محمود : الراجل ده بيقول انى محمود مات
محمود مات يامعلم
الحاج سعيد : انت بتقول ايه يا استاذ
وليد يرد متاثرا
وليد : للاسف هوده اللى حصل
الحاج سعيد : انا لله وانا له راجعون
لاحول ولا قوة الابالله
الحاج سعيد : احكلى ايه اللى حصل بالظبط يا استاذ
وليد : انا اتعرفت على المرحوم محمود على المركب

وعلى اتنين من بلد جنبيكم

الاول كان اسمه محمود بهجت والتانى اسمه محمد النادى
كنا بناكل ونشرب مع بعض
كان فيه مشهد مش قادر انساه
بعد ما اتعشنا مع بعض قام محمود وراح نحية الحمام
وبدات اهزر واتكلم مع محمد النادى وبهجت لحد ما جاب الهزار اخره

وبعد شويه
بدات العواصف تشد حيلها علينا والمركب ابتدا يهتز
ويقل توازنه وبدات الامواج ترتفع
والريس ابو كريم كان بيظبط المركب ويعدل فى الاتومتيك بتاعها

علشان تتعدل ومتبقاش مايله

وفى الوقت ده ابتدا يجى لكل واحد فينا هاجس الموت والخوف منه
وبدات الاصوات تعلو وتزداد بالتكبير والاستغفار والتوبه
وبدات الامواج تعلب بينا لعب شويه فوق وشويه تحت
وفى وسط اللحظات ديه
سمعنا صوت ابو كريم ريس المركب بينادى علينا

وبيقولنا امسكوا فى ايد بعض كويس علشان ماتغرقوش
ابتدانا نمسك فى ايد بعضينا والاعصاب اخر سيبان
وشويه كده
محمد النادى: سال عن محمود و قال
محمد النادى: هو صحيح محمود جه من الحمام
الكل سكت مستنينا محمود يرد عليه ويقولوه اه انا جيت
لكن للاسف ماسمعناش صوت محمود
قولنا للريس ابو كريم محمود ماجاش من الحمام
راح قام ابوكريم يشوفوه فى الحمام
وبعد شويه سمعنا ابو كريم بيصرخ وبينادى علينا
وبيقول : محمود مش موجود
فى هذه اللحظات ظننت ان قلبى قد توقف
بدانا نبحث عنه وسط هذه الامواج العاتيه هنا وهناك
وانار ابوكريم منارة المركب حتى نره فى البحر

لم نفقد الامل فى العثور عليه
ولكن للاسف فاتت الليله دون فايده فى العثور عليه
فاتت بحلوها ومرها علينا ونحن فاقدين شخص كان غالى علينا
وماعدش علينا نص نهار اليوم التانى الا ولقينا

غفر السواحل بيحيط بالمركب وقبضوا علينا كلنا

وبعد كده عرفت ان اللى دل غفر السواحل علينا

هو ان جثة محمود الله يرحمه كانت طايفه على وش الميه

مشهد العزاء
ابو محمود استلم جثة محمود بعد شهر ونص من الاجراءات
ابو محمود فى العزاء يبقبل عزاء ابنه
جه الريس ابو كريم يعزى ابو محمود
ابوكريم : البقاء لله يا ابو محمود شد حيلك
ابو محمود : الشد على الله سعيكم مشكور
ابوكريم بيخد ابو محمود على جنب
ابو كريم : بص يا ابو محمود انا فلوس ابنك الله يرحمه معايا خدها وميهمكش
ابو محمود يرد على ابو كريم برد فى غاية الغرابه
ابو محمود : خليهم معاك علشان تسفر على اخوه الصغير

انتهى

انــــت مــــيــن

قول اللى فى نفسك بادب (18)

بسم الله الرحمن الرحيم

انت مين انت مين انت مين؟!

انت واحد ولا اتنين

انت فرحان ولا حزين

انت بتضحك ولا مقضيها تكشير

انت مين!

انت نايم ولا من الصاحين

انت دماغك بتفكر ولا مالاهاش فى التفكير

انت مين!

انت مستقيم ولاغفلان باقلك سنيين

انت مين!

انت بتدخن ولا بتبلبع براشيم

انت مين!

انت صاحب شركه ولا من العاطلين

انت مين!

انت ايجار جديد ولا شقه على النيل

انت مين!

انت كلمه ولا حرف ولا شخبتة ايدان

انت مين!

انت لمبه ولا شعله بتنور طريق الماشين

انت مين!

انت ورده ولا زهره ولا شجره مليانه عصافير

انت مين!

انت ذكرى اليمه ولا دمعه حزينه نازله من العينيين

انت مين!

انت ندى ولا نسمه ولا سحابه بتنزل امطار كتير

انت مين!

انت فكره مش قادرها تطلع ولا نبرة صوت حزين

انت مين!

انت رسمه فى كراسه ولاخريطه فيها دليل

انت مين!

انت رنه ولا نمره ولا رساله فيها معانى كتير

انت مين!

انت شرخ فى عمود...ولا رمله وزلط وطوب بيبنو فى بيوت

انت مين!

انت عايشها وخلاص.. ياجت يا مجتشى وكله فى الطناش

انت مين!

سلام سلام

قول اللى فى نفسك بادب (22)

بسم الله الرحمن الرحيم

سلام سلام سلام كلمه بتتقال من زمان

معنها ايه يا حكام معنها كلام فى كلام

سلام ده ايه ياولاد الايه

سلام كلام سلام عيال سلام ما فوهوش ريحة اهتمام

ما فيش سلام ما فيش كلام مع الكلاب اللئام

ضحكوا علينا وقالوا سلام

وقالوا الارض مقابل السلام

ولاخدنا ارض ولا حتى سلام

وقالوا القضيه لازم تتحل بالسلام

مع احترامى ليهم القضيه متباعه من زمان

ايوه متباعه وتمنها وصلهم كمان

سلام ازاى واحنا نايمين فى المنام

بنحلم برجوع القدس من زمان

سلام ازاى واحنا بنتحيال عليهم بقبول السلام

مع احترامى ليكم ده اسمه استسلام

بيضحكوا علينا بالسلام بيقولوا ماش سلام

وتانى يوم يقتلوا اطفال من لبنان

وبرضه بيقولوا سلام

واحنا معهم لازم نقول سلام

واللى يقول غير كده يبقى ارهابى جبان

لحد امتى تقولوا سلام

دانا زهقت من الكلام

سلام سلام سلام كلمه عمرها سنيين وايام

انا مش ضد السلام

لكن عايز سلام مش استسلام

عايز تنميه عايز عمار
لكنى مش ضد الدمار اللى يحررنى من اللئام

حقيقى انا بحب السلام لكن عايز فعل مش كلام

من 48 وهمه بيقولوا سلام

ايه اللى حصل! لسه نايمين فى المنام

بيحلموا برجوع القد س بالسلام

وعلشان كده بقولوكم ما نجى نجرب حاجه غير السلام

انت بتقول ايه! لا كده حرام

هو ايه اللى حرام! هو انا كفرت بالرحمن

لا بس هتزعل منك الامريكان وساعتها المعونه مش هتيجى
وعلشان كده لازم نقول سلام

ما يهمنيش الامريكان المهم اكون راجل بفعل مش بكلام

واحرر فلسطين والجولان والعراق وافغانستان

رد عليه واحد وقالى انت بتعيش فى اوهام

قلته اى اوهام

قالى اوهام العزه والانتصار

قلته هو حرام علينا نعيش شجعان

قالى لا مش حرام بس احسلك تبقى جبان

قلته لى ابقى جبان

قالى علشان تاكل وتنام فى امان

قلته اى امان اللى يخلينا شايفين اخوتنا مقتولين بالنيران

واى طعام اللى يخلينا شبعنين من دم اخوتنا الاحرار

ردعليه وقالى انت ثورجى دا الثورجيه ماتوا من زمان

ردت عليه وقلته سلام سلام سلام

كلمه ضاعت من زمان

ضاعت لما قالوا القد س مش هترجع للاسلام

ضاعت لما شفنها بتندبح لوحديها زى الخرفان

واحنا بناكل ونشرب زى الانعام

وعلشان كده بقولوكم خلاصة الكلام

يا ريت تشيلوا من قاموسكم كلمه سلام او بمعنها الصحيح استسلام

وتحطه مكانه لا للاحتلا ل

لا للقتلوا ياسين وعرفات واحتلوا الجولا ن

لا للشنقوا صدام بحجه اسلحة الدمار

لا للهتكوا اعراضنا فى العراق وافغانستان

لا للدبحوا اطفالنا فى فلسطين ولبنان

لا لدعاة الهزيمه والاستسلام

لا للسلام

من تاليف : اسامه السيد (ابوكريم )

مش انت اللى مصرى

قول اللى فى نفسك بادب (13)

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟

احنا احسن ناس بتوع كلام

قول اللى فى نفسك بادب (16)

احنا احسن ناس بتوع كلام
حقيقى بجد مش بهزار
لو سالت مسئول ايه الاخبار
يقولك كله تمام وعال العال
ولومشيت فى شارع ولقيت خناقه تستنه فيها ضرب اقلام
ما تلاقيش الا كلام فى كلام
ولو مشيت فى مظاهره ماتلاقيش فيها اى ردود افعال
ما تلاقيش الا تثبيت با لكلام وضرب بالاقلام
وكل ده علشان احنا احسن ناس بتوع كلام
ولو شوفت نشره الاخبار
ما تلاقيش فيها الا كلام فى كلام
هتلاقى فيها ايه ! غير شجب ورفض واستنكار
وكله كلام فى كلام
ولو شاركت فى اعتصام علشان تقول لا للظلام
يردوا عليك ويقولك هنديك حقك بس اشتغل ياهمام
وفى الاخر ماتلاقيش غير كلام فى كلام
ولوطلعت بره شويه من الناحيه العربيه
ما تلاقيش الا اجتماعات قمم عربيه
زى ما هى راحت زى ما هى جايه
وكله كلام فى كلام

مواطن مغلوب على امره

قول اللى فى نفسك بادب (12)

بسم الله الرحمن الرحيم

( مواطن مغلوب على امره )

القصه وما فيها انى مشيت فيها ما لاقيتش حد فيها يقوللى انت رايح على فين
ويقوللى ليه! هو انا مين ولا ابن مين
انا حي الله واقف فى طوابيرمن الصبح لحد الليل
بصحى اصلى الفجر واجرى
احجز طابورى بدرى بدرى
وادعى واقول يا ربى يسرلى امرى علشان اجيب بجنيه
وبعدها راجع بساعتين
والفرح بينط من العين
راجع البس وامشى
علشان الحق شغلى
الاقى الطريق واقف من بدرى
اسال الناس هو فيه ايه ؟
يقوللى اصل البيه بيعدى
قلت وماله مستعجل ليه.. مهو بدرى
وقفت ساعه كمان مستنى.. اى اتوبيس يعدى
لحد ما لاقيت اتوبيس جاى سريع وبيجرى
قلت ميه ميه دا شكله هيوصلنى بدرى
رد عليه واحد وقالى.. دا مش ابو نيييييييه داده ابو جنيه..
قلت يا قلبى
وساعتها لقيت الناس بتجرى مش عارف بتجرى ليه
جريت وراءهم زى الاهطل
بصيت اتارى ابو ربع جاى يتمخطر
حمدت ربنا وركبت
وقلت يا مسهل يا رب
والحمدلله وصلت بدرى
وقعدت على مكتبى اختم وامضى
لحد ما جاى واحد وسالنى
عن اسمى واتاكد انى انا المعنى
قالى انا اتشرفت بحضرتك يا استاذ
بس يا ريت طلبى ما يستناش
قلته امرنى قالى انا عايز امضى صغيره من ايديك الحنينه
تمش بيها المرا كب الواقفه وحسنتك فيها مش قليله
ردت وقلته مش انا اللى اعمل كده يا استاذ
انا صحيح فقير بس الشرف عندى محتاس
وخلصت يومى والحمدلله على خير
وروحت بيتنا
بدرى قبل الليل

احسبها صح

قول اللى فى نفسك بادب (14)

احـسـبـها صـح

مفيش حاجة واجعه قلبى ومسببالى انتفاخات زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة تحسبها صح .... تعيشها صح .. مستفزززززز جدا .... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! ....

وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!!
وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود
( على فكرة احلى تحية للهنود بتوع النووى )

..... احسبها صح ... تعيشها صح .... وعليه...... خدوا عندكم بقا.... هِيّا جت عليّا انا يعنى ؟؟؟!! ...
توتى وفر فى فلوس المخدرات بتاعته وجاب عربية هامر جديده !! تحسبها صح .... تعيشها صح
نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !! تحسبها صح .... تعيشها صح
سهير بتشرب علبة سجاير واحدة بس،،، بدل اتنين وبفلوسها حجزت شهر فى الفورسيييييزووون فى الرويال سويت!تحسبها صح .... تعيشها صح
حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !!تحسبها صح ....تعيشها صح

عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !! تحسبها صح .... تعيشها صح
عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !! تحسبها صح .... تعيشها صح
صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !! تحسبها صح .... تعيشها صح
طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى

وعم سيد العجلاتى بدا يوفر فى لحام كوتش العجله المخروم دلوقتى فاتح اكبر اجينس عربيات فى وسط البلد

علاء الكهربائى بدل ماكان بيخد 10 جنيه فى تركيب المروحه بيخد15 اتفرج عليه دلوقتى واخد توكيل شركه عالميه كبيره فى التكييفات

!! تحسبها صح .... تعيشها صح نداء الى اصحاب القلوب الرحيمة وجمعيات الرفق بالانسان والحيوان.... اوقفوا هذا الاعلان
أو وفرولنا أدوية مكافحة الحمووووووضة

نصائح هامه الى رواد الطوابير

قول اللى فى نفسك بادب (7)

بسم الله الرحمن الرحيم

نصائح هامه الى رواد طوابيرالعيش

اولا :- قبل ماتخرج من بيتكم جيب معاك قفص عيش علشان العيش ميعجنيش منك وساعتها امك تضربك او مراتك على حسب ظروف كل واحد
وماتنساش دعاء الخروج من المنزل علشان ربنا يسترها معاك وترجع سالم غانم

ثانيا:- ما تعتمديش على فرن عيش واحده علشان تشترى منها علشان لو قفلت فرن الزعيم مثلا ماتحتسش وروح فرن برسوم او الميدان اللى بتخلص الساعه 8 باليل

ثالثا:- عند وصولك الى الفرن اسال من هو الاخير علشان ماتقفش طول اليوم وتتفاجى انك لسه الاخير
( يطلعلك مية واحد يقولك انا حاجز يانجم )
ابتعد كل البعد عن مشاجرات الافران علشان مش مستهله انى الواحد يموت علشان بجنيه عيش

رابعا :- حاول انك تشغل وقتك وانت واقف فى الطابور باى حاجه زى الفرجه على خناقة ابن صاحب الفرن مع زبون عايز خمس ترغيفه
او الفرجه مع الصمت التام على الدقيق اللى بيخرج من الفرن على عربيه نقل ،،،،،، وياريت تتفرج بحسره
او تتكلم مع الناس على الكوره او تتكلم فى السياسه حاكم افضل مكان تتكلم فيه براحتك هو طابور العيش على الاقل تخرج الكبت اللى عندك وفضفض براحتك

خامسا واخيرا:- اذا كرمك ربنا ووصلت للشباك ادفع فلوسك وخد عيشك وما تبصيش على العيش علشان ماتتحسرش وياريت ما تعارضش على اى رغيف دايس عليه قطر وفى الاخر احمد ربنا انك كسبت المعركه بلا اى خسائر

ملحوظه :- ياريت تجيب اخوك الصغير معاك علشان يجيب بجنيه علشان ماتقفش بكره

كتبها لكم مواطن اتولد واترب على طوابير العيش

اسامه السيد ( ابو كريم )

مجرد سؤال ومن غير اعتراض

قول اللى فى نفسك بادب (7)

ملحوظه يجب قراءة الشعر بالعاميه المصريه
مجرد سؤال ومن غير اعتراض
احنا ليه ساكتين على الفساد
عايز حد يرد عليه بالجواب
مجرد سؤال ومن غير اعتراض
هو ايه معنى الفساد
هو ظلم واستعباد
ولا نهب للثروات
ولا عدد الفقراء فى ازدياد
هو ايه معنى الفساد
هو بيع للاملاك برخص التراب
ولا رشاوى تحت الترابيزات
ولا قطرات وعبارات وضحايا بالمئات
هو ايه معنى الفساد
هو رغيف عيش بيجى بالخناقات
ولا دم فاسد مالى المستشفيات
ولا فساد فى المحليات ولا تزوير انتخابات
هو ايه معنى الفساد
هو ساحل شمالى معمول بالمليارات
والدويقه شهداءها بالمئات
ولا ناس طالعه على المعاشات
واخرة طلوعهم...... ميجبش نص مكافاة ماتش من الماتشات
هو ايه معنى الفساد
هى خموربنستوردها بحجة سياحة البلاد
ولاشباب عطلان مش لاقى تمن العفه والزواج
هو ايه معنى الفساد
هو اطفال مشرده فى الشوارع وعددهم بقى بالالوفات
ولاركوب المواصلات اصبح فى زمانا من الانجازات
هو ايه معنى الفساد
هو تصدير غاز للكلاب بحجة دبلوماسية العلاقات
وحبايبنا فى غزه محصرنهم وقفالين عليهم الابواب
هو ايه معنى الفساد
هو جواز عرفى منتشر فى الجامعات
ولا عدد اللى ضايع نسبهم بقى بالافات
هو ايه معنى الفساد
وهو نظام قاعد يحكم ويرسم وينهب من التمانيات
ولا خنازيرطلوعنا فى المقدر وبياندو بحقوق الحيوانات
هو ايه معنى الفساد

قول اللى فى نفسك بادب (1)

عيش عيش عيش

عيش فى طابور العيش

عيش واصبر واستحمل

دا طابورك ابتدا يتقدم

بس يا ريت توصل بدرى قبل معادك ما يعدى

عيش ما يهمكش عيش

بس ارجعلنا برغيف

ثورة قلم اتظلم